Свет33

Браты Карычы, зарабляючы ў Беларусі, набывалі нерухомасць у Арабскіх Эміратах

Аб гэтым расказвае новае расследаванне Беларускага расследавальніцкага цэнтра.

Bogalyub Karich, Dragomir Karich, Neboysha Karich Богалюб Карич, Драгомир Карич, Небойша Карич Багалюб Карыч, Драгамір Карыч, Нябойша Карыч
Багалюб Карыч, Драгамір Карыч, Нябойша Карыч. Калаж: БРЦ

Сербсікя бізнэсмены браты Карычы — адны з найбуйнейшых дэвелапераў у Беларусі. Іх кампанія Dana Holdings займаецца татальнай забудовай Мінска. Сярод найбольш вядомых праектаў — жылыя кварталы «Мінск Свет», Vogue і «Парк Чалюскінцаў».

У 2021 годзе БРЦ выпусціў расследаванне аб тым, як Карычы бясплатна атрымалі зямлю ў Мінску коштам каля мільярда даляраў. А ў 2022 годзе раскрыў схему вываду з Беларусі вызваленага ад падатку прыбытку кампаній у 170 мільёнаў даляраў на карысць Карычаў.

У новым расследаванні аўтары сцвярджаюць, што браты Карычы, а таксама члены іх сем'яў на прыбытак, атрыманы ў тым ліку ад супрацоўніцтва з беларускімі ўладамі, набылі шэсць кватэр на востраве Палм-Джумейра ў Дубаі.

Palm Jumeirah Палм-Джумейра Палм-Джумейра
Від на частку штучнага вострава Палм-Джумейра. Фота: AP Photo/Kamran Jebreili

Уладальнікам кватэры ў 222 квадратныя метры стаў сын Багалюба Карыча Небойша. За нерухомасць на 11-м паверсе дома Emerald рэзідэнцыі Tiara ў 2019 годзе было заплачана 900 тысяч даляраў.

У тым жа комплексе ў 2011 годзе за 600 тысяч даляраў была набыта кватэра для жонкі Багалюба Міланкі. У 2023 годзе яе прадалі на 150 тысяч даражэй.

Акрамя гэтага ва ўладанні жонкі Небойшы Карыча беларускі Ксеніі Лухновай-Карыч знаходзіліся апартаменты плошчаю 160 квадратных метраў на 13-м паверсе жылога комплексу Oceana Southern. Купленая за больш як 700 тысяч даляраў у 2021 годзе, праз два гады нерухомасць была прададзена за суму амаль у два разы большую.

Чацвёртая кватэра належыць жонцы дваюраднага брата Небойшы Карыча — Машы Нікаліч-Карыч. Яна размешчана на 8-м паверсе дома ў комплексе Aquamarine. А плошча кватэры складае 201 квадратны метр.

Крыніца: Bayut Area Guides / 3D-візуалізацыя кватэры ў комплексе Aquamarine у рэзідэнцыі Tiara на Палм-Джумейра з такой жа плошчай і колькасцю спальняў, як у Машы Нікаліч-Карыч

Акрамя гэтага кватэрамі плошчаю ў 200 квадратных метраў на Палм-Джумейра валодалі непасрэдна Багалюб Карыч і яго дачка Даніца. Апошняя пазней прадала сваю нерухомасць уплывоваму эмірацкаму бізнэсмену.

Журналісты Цэнтра па расследаванні карупцыі і арганізаванай злачыннасці змаглі атрымаць каментары ад адваката Багалюба Карыча.

Ён паведаміў, што бізнэсмен пражывае ў Аб'яднаных Арабскіх Эміратах амаль восем гадоў, і пацвердзіў набыццё Карычам кватэры тры гады назад у Дубаі. Па словах адваката, калі Багалюб не застаецца ў горадзе, ён здае кватэру ў арэнду.

Акрамя кватэр у Арабскіх Эміратах, як паказала папярэдняе расследаванне БРЦ, Карычы валодалі нерухомасцю ў Лондане. Сем кватэр у сталіцы Вялікабрытаніі былі аформлены на Дзеяна Лазаравіча, мужа другой дачкі Багалюба Карыча Надзеі, і ацэнены ў прыкладна 14 мільёнаў еўра.

У ходзе новага расследавання ў Лондане была знойдзена яшчэ адна кватэра, набытая на Дзеяна Лазаравіча ў 2009 годзе за 1,5 мільёна фунтаў стэрлінгаў.

Акрамя гэтага ў расследаванні сцвярджаецца, што звязаныя з Карычамі кампаніі маглі быць намінальным трымальнікам рэзідэнцыі Лукашэнкі «Усход». Афшоры, на якія была аформлена рэзідэнцыя, могуць быць звязаныя з кампаніяй Карычаў Dana Holdings. Прынамсі, пра гэта гавораць узаемаразлікі і фінансавыя справаздачы за 2019 і 2020 гады, якія знайшлі сябры Беларускага расследавальніцкага цэнтра.

Матэрыял аб нерухомасці Карычаў падрыхтаваны ў рамках праекту DubaiUnlocked, удзельнікі якога раскрываюць імёны ўладальнікаў нерухомасці ў Дубаі, а таксама ў партнёрстве з Цэнтрам па даследаванню карупцыі і арганізаванай злачыннасці пры падтрымцы «Кіберпартызан».

@nashaniva Прэс-сакратарка Лукашэнкі носіць гадзіннік за 20 тысяч еўра #беларусь #лукашенко #ролексы #нашаніва #беларусьновости #беларускаямова ♬ оригинальный звук - Наша Ніва. Навіны

Каментары3

  • даведка
    14.05.2024
    Они не для себя стараются: всё для любимо президента, членов его семьи и свиты...
    Надо же им всем где-то отдыхать от белорусского народа в таком родном и близком сердцу Дубае.
    Александр Григорьевич, бедный, после Дубая чуть дуба не дал в костюме и двух тулупах на Красной площади.
  • Влад
    14.05.2024
    Ой, а кто эти все поделки Даны покупает? Неужели невероятные белорусы? Ну и к кому претензии тогда?
  • Kotya
    15.05.2024
    Влад, претензия уровня «лукашенко до сих пор президент, его выбирают значит». А где покупать еще? Они строят реально не очень хорошо, но застройщиков в Минске немного, а им отдают одни из самых удобных по расположению кусков земли 

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю5

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Усе навіны →
Усе навіны

У Гродне збіраюцца правесці «своеасаблівы вальс» БТР-аў1

Лябедзька: Беларуская мова павінна стаць адзінай дзяржаўнай. Але трэба закласці пераходны перыяд19

Дзякуючы ўрагану ў Гомелі зрабілі навуковае адкрыццё3

Карбалевіч: Мінск загаварыў па-іншаму, але гэта пакуль толькі словы, дзеянняў мінімум1

Што азначаюць сігналы Лукашэнкі Польшчы і Украіне?16

Ламін Ямаль выпадкова паказаў на ВІДЭА сваіх голых калегаў4

Беларускі блогер у самы сквар паспрабаваў пасмажыць яйкі проста на асфальце. Ці атрымалася?3

Вячорка: Лукашэнка абвесціць дату сваіх выбараў, толькі калі скончацца амерыканскія6

Памёр мастак Валерый Чайка. Ён афармляў мінскае метро

больш чытаных навін
больш лайканых навін

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю5

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Галоўнае
Усе навіны →