Грамадства2020

Ці выгадна цяпер ездзіць на закупы ў Польшчу і Літву?

Некалі шоп-туры ў Польшчу карысталіся вялікай папулярнасцю, прычым не толькі ў жыхароў прыгранічнага Гродна. На шопінг у Беласток таксама рэгулярна адпраўляліся аўтобусы з Мінска. «Наша Ніва» паглядзела, што адбываецца на гэтым кірунку.

Ілюстрацыйны здымак. Фота: «Наша Ніва»

Няма таго, што раньш было

У дакавідныя часы паездкі на шопінг у Польшчу для жыхароў Гродна з'яўляліся чымсьці натуральным. Штодня з абласнога цэнтра ў шоп-туры адпраўляліся дзясяткі маршрутак.

Цэны на білеты па цяперашніх мерках былі больш, чым дэмакратычныя. За $20-25 можна было з'ездзіць з Гродна ў Беласток наведаць рынак, некалькі гандлёвых цэнтраў і вярнуцца назад. Так было да пандэміі, міграцыйнага крызісу і вайны.

Яшчэ падчас кавідных абмежаванняў палякі закрылі пункт пропуску «Кузніца» (з беларускага боку «Брузгі») у адказ на стварэнне міграцыйнага крызісу. Праз гэта адлегласць ад Гродна да Беластока ўзрасла, цэны на квіткі таксама. Два гады таму, вясной 2022-га, шоп-туры з Гродна ў Беласток каштавалі ўжо 120 рублёў (каля 42 даляраў па тагачасным курсе).

У лютым 2023 года закрылі пункт пропуску «Баброўнікі», адлегласць ад Гродна да Беластока ўзрасла да 250 кіламетраў, бо трэба было дабірацца ў Польшчу праз Літву. Цэны на білеты туды-назад падляцелі да 160 рублёў (каля $60 па тагачасным курсе).

Пасля закрыцця «Прывалкі» з 1 сакавіка 2024 года цэны на квіткі ўзраслі да 240 рублёў, гэта каля 75 даляраў за паездку туды-назад.

«У Польшчы мы трацілі пад 2000 даляраў»

Суразмоўца «Нашай Нівы», які раней рэгулярна ездзіў у Беласток на закупы, кажа, што апошні раз быў там на пачатку лютага, калі яшчэ працавала «Прывалка».

«Паехалі разам з жонкай і закупіліся па поўнай. Куплялі адзенне сабе і дзецям, бытавую хімію, каву, слодычы, тэлефон. Праз тое, што ў Польшчы мы патрацілі пад 2000 даляраў, атрымалася сэканоміць некалькі сотняў пасля таго, як вярнулі VATы», — распавядае гродзенец.

Ілюстрацыйны здымак. Фота: тэлеграм-канал t.me/belgranica

Пасля закрыцця «Прывалкі» і змяншэння лімітаў на бяспошлінны правоз тавараў да 25 кілаграмаў і 500 еўра думак ехаць на закупы ў Беласток у яго больш не з'яўлялася.

«Той жа тэлефон, які мы набылі ў лютым, па новых правілах легальна правезці ўжо нельга. Нейкая іншая больш-менш грунтоўная тэхніка таксама каштуе больш за 500 еўра.

Адбіць выдаткі на дарогу стала складаней, бо білеты дарагія, а ліміты нізкія. А калі ўявіць, што такая паездка можа заняць 2-3 сутак, то ніякай эканоміі не захочаш».

Вільня замест Беластока

Іншая суразмоўца, якая ў дакавідныя часы часцяком адпраўлялася на закупы ў Беласток, таксама адмовілася ад гэтай звычкі.

Жанчына кажа, што апошні раз у Польшчу ездзіла яшчэ праз «Бераставіцу». Колькі тады каштавалі білеты, яна ўжо дакладна не памятае.

«Пасля закрыцця «Бераставіцы» па парадах сяброў адкрыла для сябе Вільню. Магчыма, на некаторыя пазіцыі цэны ў Літве вышэйшыя, чым у Польшчы, але ехаць нашмат бліжэй і хутчэй. У дадатак у Вільні цяпер жывуць сваякі, да якіх можна завітаць у госці і бясплатна заночыць».

Ілюстрацыйны здымак. Фота: «Наша Ніва»

Калі ў дакавідныя часы галоўная мэта паездак была эканомія, то цяпер асноўным фактарам жанчына называе больш шырокі выбар тавараў.

«У Беларусі цяпер нельга набыць шэраг брэндаў праз іх зыход з краіны, таму паездкі на закупы ў Вільню — гэта ў першую чаргу больш шырокі асартымент».

«Траціць на гэта двое-трое сутак дакладна няма ніякага сэнсу»

Яшчэ адзін гродзенец расказвае, што апошні раз ездзіў у Беласток праз «Беняконі», бо «Прывалка» ўжо не працавала.

«Ехалі машынай разам са знаёмымі, таму выдаткі на дарогу дзялілі 50/50. З Беларусі ў Літву трапілі за 9 гадзін, а вось назад стаялі ў чарзе амаль суткі», — згадвае суразмоўца.

Да паездкі падштурхнулі навіны пра магчымае хуткае зніжэнні лімітаў на ўвоз тавараў.

«Звычайна мы ездзілі на закупы на майскія, перад пачаткам навучальнага года і часам перад Новым годам. Гэтым разам паехалі ў сярэдзіне сакавіка. З тэхнікі набылі робат-пыласос, ноўтбук і трымер. Нешта з адзення, крыху тавараў для дома, пральныя парашкі, каву і г.д. Калі б ехалі ўжо пасля 1 красавіка, то столькі правезці не атрымалася б, бо адзін толькі ноўтбук каштаваў больш за 500 еўра», — кажа суразмоўца.

Мужчына ўпэўнены, што калі велізарныя чэргі захаваюцца, то перад 1 верасня на закупы ён дакладна не паедзе.

«Нават калі ўявіць, што і з новымі нормамі атрымаецца па выніках паездкі сэканоміць 50-100 даляраў, то траціць на гэта двое-трое сутак дакладна няма ніякага сэнсу», — лічыць мужчына.

Колькасць рэйсаў скарацілася

Пра тое, што шоп-туры па шэрагу прычын страцілі былую папулярнасць, сведчыць той факт, што частка перавозчыкаў больш не аказвае такія паслугі. 

Фота: скрыншот з сайта economim.by

Шэраг перавозчыкаў адмовіліся ад шоп-тураў у Беласток пасля таго, як з сакавіка Літва закрыла яшчэ два пункты пропуску на мяжы з Беларуссю, паралельна забараніўшы праезд праз сваю мяжу турыстычным аўтобусам, якія накіроўваюцца ў Польшчу.

Але некаторыя турагенцтвы працягваюць прадаваць шоп-туры з Мінска ў Беласток. Кошт білета — 150-170 рублёў у адзін бок. Праўда, апроч гэтага, трэба закладаць яшчэ каля 30 даляраў на начлег у Беластоку. Такім чынам атрымліваецца, што паездка на закупы з Мінска ў Польшчу абыдзецца ў 400 рублёў (каля $130), і гэта толькі выдаткі на дарогу і начлег.

Пры гэтым прадстаўнікі турфірм папярэджваюць, што не заўжды могуць назваць канкрэтную дату выезду з Мінску, паколькі гэта залежыць ад камплектнасці групы. Што падкрэслівае невысокі попыт на падобныя туры пасля 1 сакавіка.

Частка гродзенскіх перавозчыкаў таксама адмовілася ад паездак у шоп-туры ў Беласток пасля закрыцца «Прывалкі».

Фота: скрыншот з сайта zetgrodno.com

Тыя, хто працягвае вазіць людзей на закупы, вымушаны ехаць у суседні горад праз Брэст. 

Як і ў выпадку са сталічнымі перавозчыкамі, гродзенскія папярэджваюць, што паедуць толькі пры наборы групы ад 14 чалавек. Кошт білетаў — 240 рублёў у абодва бакі (каля $75).

Каментары20

  • ром
    12.05.2024
    чего блин вам там все не хватает??? все шляются,,,хотят сэкономить 50 баксов... что за народ
  • дочка Максима Дизайнера
    12.05.2024
    Дизайнер, так весна же - заколосился лопух. в чем проблема-то? да и вообще - у вас тельняшка длинная
  • даведка
    12.05.2024
    У нас польская трёхслойная Regina за четыре рулона по 6-7 руб., зубная паста Elmex за столько же можно было найти в прошлом году, но в этом уже раза в два дороже, немецкий кофе Dallmayr Prodomo 500 был по 19,99.

Стрыжак пра Пратасевіча: Са мной такога адбыцца не магло10

Стрыжак пра Пратасевіча: Са мной такога адбыцца не магло

Усе навіны →
Усе навіны

У ЗША вызвалілі жанчыну, якая адсядзела 43 гады ні за што2

Пасля ўрагану беларусы падалі больш за 10 тысяч заявак у Белдзяржстрах1

Пад Мінскам бусел купаўся ў возеры разам з людзьмі ВІДЭА5

Беларусь пацвердзіла расстрэльны прысуд Крыгеру: «Германіі прапанаваныя канкрэтныя рашэнні»8

Аляксей Талай прапанаваў даць Лукашэнку званне Героя Беларусі23

Забойца польскага салдата на мяжы ўстаноўлены. Ён усё яшчэ ў Беларусі3

Што вядома пра суддзю і пракурорку, якія вынеслі смяротны прысуд грамадзяніну Германіі3

Хлопец знік у лесе пад Сянном і знайшоўся толькі праз 25 гадоў. Яго сястра расказвае, як так атрымалася5

У Мінску распачаўся «форум патрыётаў», прысвечаны 30-годдзю кіравання Лукашэнкі15

больш чытаных навін
больш лайканых навін

Стрыжак пра Пратасевіча: Са мной такога адбыцца не магло10

Стрыжак пра Пратасевіча: Са мной такога адбыцца не магло

Галоўнае
Усе навіны →