У «ДНР» расійскі вайсковец расстраляў шасцярых саслужыўцаў і ўцёк са зброяй
У расійскіх тэлеграм-каналах распаўсюджваецца інфармацыя пра 57-гадовага сяржанта Юрыя Галушку, які нібыта забіў шасцярых расійскіх вайскоўцаў з гаўбічнага артылерыйскага дывізіёна 10-га танкавага палка на тэрыторыі т. зв. «Данецкай народнай рэспублікі», пасля чаго схаваўся з асабістай зброяй АК-12.
Першым пра гэта паведаміў тэлеграм-канал «Праект БАРС», звязаны з расійскімі добраахвотнікамі, якія служаць у акупацыйных войсках па праграме «Баявы армейскі рэзерв краіны».
Невядомы вайсковец з БАРС запісаў шчодра перасыпаны нецэнзурнай лексікай аўдыязварот, у якім сцвярджаецца, што Галушка нібыта расстраляў камандаванне артылерыйскага дывізіёна і ўцёк са зброяй недзе ў раёне Аляксандраўкі (населеных пунктаў з такой назвай на тэрыторыі Данецкай вобласці некалькі). Выказваецца меркаванне, што ён цяпер будзе спрабаваць перайсці на бок Украіны.
Як піша тэлеграм-канал Astra, мяркуючы па даных з злітых баз, Галушка ўраджэнец Харкава і ўладальнік расійскага грамадзянства, які некаторы час жыў у Белгародскай вобласці.
У тыражаваным у сацсетках паведамленні гаворыцца, што Галушка запісаўся на вайну з калоніі ў канцы лютага гэтага года.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары