Жанаты мужчына быў з Сабаленкай у Штутгарце, і яму можна ёй класці руку ніжэй за талію
Арыну Сабаленку зноў пабачылі з невядомым мужчынам. Ён дазволіў сабе даволі інтымныя свавольствы ў адносінах да спартсменкі, што і прыцягнула ўвагу журналістаў «Трыбуны».
![](http://d3kcf2pe5t7rrb.cloudfront.net/img/w840d4webp1/photos/z_2024_04/1-6j5m5.jpg.webp)
На мінулым тыдні Арына Сабаленка на адзін з трэнінгаў у Штутгарце, дзе праходзіў турнір WTA, прыехала ў кампаніі мужчыны. Ён спачатку чакаў, пакуль спартсменка адпрацуе заняткі, а потым яны разам сышлі ў абдымках.
Спадарожнікам другой ракеткі свету ў той дзень аказаўся Фабіяна Дзанэці Маньяні — качок і прадпрымальнік, які жыве ў Бразіліі і зʼяўляецца суўласнікам кампаніі Oakberry, чыя спецыялізацыя — карысная ежа.
У Штутгарце Сабаленка вылецела ў чвэрцьфінале. Цяпер яна ўжо знаходзіцца ў Мадрыдзе, дзе стартавала кваліфікацыя іншага буйнога турніру. Арганізатары выклалі ў сябе ў сацсетках відэа з прыездам Сабаленкі.
І ўвагу журналістаў «Трыбуны» прыцягнула, як нейкі мужчына паклаў ёй руку на месца, што ніжэй таліі — і тэнісістка ніяк на гэта не адрэагавала.
![](http://d3kcf2pe5t7rrb.cloudfront.net/img/w732d4webp1/photos/z_2024_04/22-9rj7q.jpg.webp)
Журналісты высветлілі, што нахабнік таксама звязаны з кампаніяй Oakberry, але гэта не Маньяні.
Гэты мужчына ўжо быў побач з Сабаленкай, але адразу яго апазнаць не ўдалося. Арганізатары турніру ў Штутгарце выкладалі ролік, як тэнісістка заязджала ў гатэль.
З ёй з машыны тады выйшаў мужчына з вельмі характэрнымі татуіроўкамі.Такія ж татуіроўкі на руцэ таго, хто абдымае спартсменку ў Мадрыдзе.
![](http://d3kcf2pe5t7rrb.cloudfront.net/img/w732d4webp1/photos/z_2024_04/22-inf5x.jpg.webp)
Як даведаліся журналісты, ужо другі раз на публіцы Сабаленку суправаджае Георгіас Франгуліс.
Яму 34, і ён, як і Маньяні, таксама сузаснавальнік Oakberry. Сабаленка з пачатку гэтага года зʼяўляецца рэкламным тварам фірмы.
Пра Франгуліса ў асноўным вядома тое, што ён сам пра сябе распавёў сем месяцаў таму ў інтэрвʼю бразільскаму Forbes — выданне зацікавіў бізнес на здаровым харчаванні.
Прадпрымальнік мае грэчаскія карані. Вучыўся ў Бразіліі ва ўніверсітэце на юрыста, аднак не стаў здаваць іспыты і дамагацца дыплома — проста вельмі хацеў узяцца за ўласную справу.
Дзеля гэтага пераехаў у Маямі (сёння там якраз жыве Сабаленка), спрабаваў займацца нерухомасцю, але затым звярнуў увагу на цікавасць амерыканцаў да здаровай ежы — і пераключыўся на гэты кірунак.
Сёння Oakberry — гэта і ўласныя пункты продажаў, і франшыза. Геаграфія — Аўстралія, Іспанія, Партугалія, ЗША, Саудаўская Аравія і іншыя краіны.
Пераломным Франгуліс называе 2016 год. Расказвае, што ў жніўні доктар звярнуў увагу на буйны лімфавузел і дыягнаставаў рак шчытападобнай залозы. У кастрычніку Франгуліс справіў вяселле, а праз два тыдні паспяхова перанёс аперацыю. Ну а 6 снежня адкрыў першы пункт продажу.
Мужчына займаецца аўтамабільнымі гонкамі — у Бразіліі ўдзельнічае ў Кубку выкліку «Поршэ» (беларуска як раз марыць пра такую машыну) у якасці пілота. Калі верыць спецыялізаваным сайтам, у яго здараліся і перамогі.
![](http://d3kcf2pe5t7rrb.cloudfront.net/img/w732d4webp1/photos/z_2024_04/22-o9w0d.jpg.webp)
Сацсеткі Франгуліса відавочна цікавяць Сабаленку — яна адлайкала там усе пасты, якія зʼявіліся пасля 26 мая 2023 года.
Але першае фота без рэакцыі спартсменкі — тое, на якім прадпрымальнік сфатаграфаваны з жонкай. Здымак падпісаны: «Дзень самага прыгожага сэрца, дзень кахання ўсяго майго жыцця».
![](http://d3kcf2pe5t7rrb.cloudfront.net/img/w732d4webp1/photos/z_2024_04/22-yotby.jpg.webp)
Франгуліс нібыта часта ходзіць у царкву, бо лічыць карысным размаўляць з Богам.
На целе мужчыны шмат татуіровак — у асноўным, на рэлігійную тэматыку. На грудзях і на спіне — распяцці. На біцэпсе правай рукі — надпіс «Змагайся за нас, воін святы Георгій», на перадплеччы — «Гасподзь — мой пастыр, і я не буду мець патрэбу». На левай выбіты, як кажа Франгуліс, яго галоўны дэвіз — Ora et Labora («Маліся і працуй» — формула ад бенедыктынцаў). У раёне сэрца на нямецкай мове зроблены надпіс «Ойча наш».
Зрэшты, калі яшчэ раз зірнуць на руку са скрына мадрыдскага відэа, то можна адшукаць яшчэ адну дасылку да Нямеччыны.
У некаторых субкультурах з дапамогай лічбаў 88 шыфруецца нацысцкае вітанне. Лічбы азначаюць парадкавы нумар першых літар слоў вітання ў лацінскім алфавіце.
Зрэшты, невядома, што Франгуліс хацеў сказаць сваёй татуіроўкай. Як і цяжка зразумець, якія адносіны сёння яго звязваюць з Сабаленкай.
Каментары