Грамадства6464

«Вас бы расіяне і Пуцін зжэрлі, як ельцынскіх дэмакратаў». Стала вядома, што Лукашэнка гаварыў на сустрэчы з палітвязнямі ў СІЗА КДБ

Паліттэхнолаг Віталь Шкляраў расказаў «Радыё Свабода» раней невядомыя дэталі пра візіт Лукашэнкі ў СІЗА КДБ 10 кастрычніка 2020 года.

Аляксандр Лукашэнка на сустрэчы з палітзняволенымі ў СІЗА КДБ. 10 кастрычніка 2020 года. Скрыншот з відэа АНТ

10 кастрычніка 2020 года Аляксандр Лукашэнка сустрэўся ў СІЗА КДБ з групай палітзняволеных. Сэнс і мэты той сустрэчы не адразу сталі зразумелыя.

На сустрэчы прысутнічалі Віктар Бабарыка, ягоны сын Эдуард, Сяргей Ціханоўскі, адзін з кіраўнікоў кампаніі PandaDoc Дзмітрый Рабцэвіч, юрыст Лілія Уласава, былы топ-менеджар «Белгазпрамбанка» Сяргей Дабралёт, уладальнік галерэі «Ў» Аляксандр Васілевіч, Кірыла Бадзей, які ўзначаліў «Белгазпрамбанк» пасля адстаўкі Бабарыкі, Віталь Шкляраў, адвакат Максім Знак, адвакат Ілля Салей, бізнэсовец і тагачасны сябра ініцыятыўнай групы Бабарыкі Юрый Васкрасенскі, які, як выявіцца, быў агентам спецслужбаў, інфільтраваным у СІЗА.

Віталь Шкляраў кажа, што шмат думаў і спрабаваў зразумець, навошта Лукашэнка арганізаваў тую сустрэчу з палітвязнямі.

— Думаю, што на момант жніўня-верасня Лукашэнка не разумеў, што адбываецца. Ён прывык да таго, што кантралюе сітуацыю. Чалавек 30 гадоў жыве на сваёй арбіце, дзе ўсё непахісна, а тут адбываецца нешта, што ты не можаш патлумачыць. Чалавек з ягонай адукацыяй і жыццёвым досведам не можа зразумець, што людзі могуць быць іншыя, што яны змяніліся, што час іншы. Ён паранаідальна шукаў здраднікаў, завадатараў, маскоўскі, амерыканскі след ва ўсім гэтым. Шукаў, як жа так адбылося, хто пачаў і чаму. Ён не мог на той момант зразумець, што ўвесь пратэст быў абсалютна дэцэнтралізаваны і без лідарства. У яго, напэўна, быў набор гіпотэзаў, чаму гэта адбывалася.

Паліттэхнолаг мяркуе, што на сустрэчу прыехаў адзін Лукашэнка, а пасля яе гэта быў зусім іншы Лукашэнка.

— Ён хацеў паглядзець, што гэта за людзі, як ён казаў, якія хочуць яго «знесці з улады». Гэта быў адзін чалавек, які зайшоў у камеру да пачатку размовы, а ў сярэдзіне, пры канцы размовы гэта быў зусім іншы чалавек.

Многія з прысутных павінны былі запомніць фразу, якую ён кінуў. Яна мне разанула слых і запомнілася надоўга. Ён сказаў: «Як добра, што ў вас нічога не атрымалася. Вы дзеці, вы яшчэ не разумееце, што такое палітыка, вас бы расейцы і Пуцін зжэрлі б, як ельцынскіх дэмакратаў». Сыходзіў ён у поўнай перакананасці, як мне падалося, што нас можна не баяцца, што ён кантралюе сітуацыю, што мы «ўсе дзеці».

Паводле Шклярава, Лукашэнка размаўляў з кожным з прывезеных на сустрэчу палітвязняў.

— Быў дыялог. Шмат размоваў было і пра Беларусь, і пра рэформу Канстытуцыі (тады яна наспявала), пра самі пратэсты.

Да мяне звяртаўся, гаворачы пра мяне як да амерыканскай (у мяккім сэнсе слова) жанчыны лёгкіх паводзінаў і як да здрадніка, які працуе на ФБР, які разам з палякамі заварыў усю гэтую кашу.

Ён не мог зразумець і дагэтуль не разумее, што ягоная канспіралогія — гэта ўсяго толькі гісторыя, якая жыве ў ягонай галаве. Ніякай змовы, ФБР ці палякаў, якія на мяжы толькі чакаюць загаду з ЗША, каб пачаць уварванне ў Беларусь, няма.

Ён жыве ў сваім свеце, у сваім падмане.

@nashanivanews Катастрофа Лукашэнкі. Беларусаў стала на паўтара мільёна менш #беларусь #белорусы #лукашенко #александрлукашенко #беларусьновости #минсксейчас #беларускаямова #беларускітыкток ♬ Sudno - slowed & fixed - LLXVD

Каментары64

  • Серьезно?
    11.04.2024
    Необразованный, неудачливый человек с шизотипическими расстройствами, что-то себе вообразил. Любому адекватному человеку понятно, что не сожрали его ибо: во-первых нет любителей есть дерьмо, а во-вторых он на хрен не был никому нужен. Он устраивал автократов и наследников нквд.
  • Реалполитик
    11.04.2024
    Радыёглядач , у истории нету сослагательного наклонения.

    P.s. Опять слышу любимый наротив - Саша спаситель бсср от России. Это не лечится
  • qwer
    11.04.2024
    ....Ён жыве ў сваім свеце, у сваім падмане.
    как раз лукашенко живет в реальном мире,он видит продажность и слабость "оппозиции". знает что 90% стучат в кгб... и он увидел слабаков. и он прав из за этих слабаков искалечены и убиты сотни...но эти "оппозиционеры" ни разу не извинились....

«Найчасцей да нас на кантроль прыходзіла Дрыга». Былы акцёр РТБД — пра цэнзуру ў тэатры, новага міністра культуры і здымкі ў польскай рэкламе

«Найчасцей да нас на кантроль прыходзіла Дрыга». Былы акцёр РТБД — пра цэнзуру ў тэатры, новага міністра культуры і здымкі ў польскай рэкламе

Усе навіны →
Усе навіны

Жыхарка Пінска прадала аўтамабіль 2018 года за 600 рублёў. Што пайшло не так?1

Скандал ва Украіне: вайсковец катаваў падначаленых і прыкрываўся сваімі сямейнымі сувязямі7

Тры сцэнары, па якіх «Белтэлекам» стане мабільным аператарам9

У Мінску заўважылі абрыкосы амаль па 100 рублёў за кілаграм

Напярэдадні СБУ прад'явіла падазрэнне забітаму ў Маскве генерал-лейтэнанту за прымяненне хімічнай зброі2

Латвійскі баскетбаліст Ціма скончыў жыццё самагубствам у цэнтры Масквы — на дзень нараджэння былой жонкі, спявачкі Седаковай1

У Маскве падарвалі генерал-лейтэнанта і яго памочніка4

У Беларусі распаўсюдзяць Віфлеемскі агонь, але даставяць не з Віфлеема

Улады знайшлі спосаб забяспечаць насельніцтва айчыннай свінінай. Вось план5

больш чытаных навін
больш лайканых навін

«Найчасцей да нас на кантроль прыходзіла Дрыга». Былы акцёр РТБД — пра цэнзуру ў тэатры, новага міністра культуры і здымкі ў польскай рэкламе

«Найчасцей да нас на кантроль прыходзіла Дрыга». Былы акцёр РТБД — пра цэнзуру ў тэатры, новага міністра культуры і здымкі ў польскай рэкламе

Галоўнае
Усе навіны →