Беларуска ўпершыню перамагла ў гэтым турніры.
![](http://d3kcf2pe5t7rrb.cloudfront.net/img/w840d4webp1/photos/z_2023_11/9795e7a6-03a1-4b3a-9c5a-a636db91ecd3-sspza.jpg.webp)
У фінале другога па значнасці еўракубка на кантыненце сустракаліся «Лондан Лаянс» з турэцкім «Бешыкташам». Тыдзень таму англійскі клуб саступіў мінус 7 балаў. Адпаведна сёння трэба перамагаць +8.
Гульня ішла да апошніх секундаў, турчанкі амаль дагналі клуб Сныцінай, саступаючы ўсяго мінус 5 балаў. Аднак «Ільвіцы» здолелі пры канцы чацвёртай чвэрці вырваць перамогу: 81:70.
Кацярына правяла на пляцоўцы сем хвілін 22 секунды, зрабіла два асісты, што праўда, у кошык сёння не закінула.
Увогуле, відаць, у першыню ў гісторыі беларуская баскетбалістка заваявала еўракубак.
Сныціна, які ў свой час выступіла за свабодныя выбары і супраць гвалту, гуляла за «Лондан Лаянс» з 2022 года.
У свой час яна пагуляла за турэцкія «Бешыкташ», «Несібе Айдын», «Тарсус», «Хатай», ДВТК (Венгрыя), некалькі расійскіх клубаў.
Кацярына казала, што гэты сезон апошні ў яе кар'еры.
Каментары