Грамадства22

«Для Гродзенскай дыяцэзіі гэта рэкорд па беларусізацыі». Што вядома пра новапрызначанага біскупа Гуляя

Сёння Папа Рымскі Францішак прызначыў лідскага пробашча Уладзіміра Гуляя біскупам-каад'ютарам Гродзенскай дыяцэзіі. Верагодна, гэта падрыхтоўка да замены на чале гэтай дыяцэзіі яе нязменнага кіраўніка цягам апошніх 33-х гадоў Аляксандра Кашкевіча, якому неўзабаве споўніцца 75 гадоў. Што вядома пра новапрызначанага каталіцкага іерарха?

Новапрызначаны біскуп Уладзімір Гуляй любіць музыку і сам грае на барабанах

На афіцыйным сайце Рыма-каталіцкай царквы ў Беларусі надрукаваная кароткая біяграфія 48-гадовага Уладзіміра Гуляя.

Ён нарадзіўся 14 чэрвеня 1975 года ў Ваўкавыску, а першую духоўную адукацыю атрымаў у 1992-1998 гадах пасля навучання ў Гродзенскай вышэйшай духоўнай семінарыі. Пасля таксама спецыялізаваўся ў дагматычнай тэалогіі ў Люблінскім каталіцкім універсітэце ў Польшчы.

3 2000 па 2001 год ксёндз Уладзімір Гуляй быў вікарыем парафіі святога Францішка Ксаверыя ў Гродне, з 2001 па 2003 год — прэфектам Вышэйшай духоўнай семінарыі ў Гродне, з 2003 года — пробашч парафіі Узвышэння Святога Крыжа ў Лідзе.

3 лістапада 2006 года ён таксама быў біскупскім вікарыем душпастырства для Лідскага рэгіёна, а з 2016-га — канонікам грэміяльным кафедральнага капітула Гродзенскай дыяцэзіі.

Гуляй вядомы сваімі музычнымі захапленнямі: яшчэ падчас вучобы ў семінарыі будучы біскуп стварыў музычны гурт AVE, не пакідаў музыку і ўжо стаўшы пробашчам: сам граў на барабанах, калі ў парафіі праходзілі «канікулы з Богам» для мясцовых дзяцей.

Вернікі, якія добра ведаюць ксяндза Уладзіміра, ужо падзяліліся сваімі думкамі наконт прызначэння яго біскупам. Некаторыя адзначаюць, што пад кіраўніцтвам пробашча парафія стала менш «польскай», а больш «беларускай», то-бок гэта дакладна не святар з «польскай партыі», што для Гродзенскай дыяцэзіі традыцыйна мае вялікае значэнне:

«Набажэнствы на самыя вялікія святы праводзіць па-беларуску, у нядзелю ў Лідзе-фары тры імшы па-беларуску — для Гродзенскай дыяцэзіі гэта рэкорд па беларусізацыі», — гаворыць адзін з вернікаў.

На новапрызначанага біскупа ўскладаюць надзею як на «новы вецер у ветразі» — у прыватнасці, спадзяюцца на большае ўключэнне Гродзенскай дыяцэзіі ў агульнабеларускія каталіцкія справы і далейшую беларусізацыю Каталіцкай царквы на Гродзеншчыне.

Таксама вернікі адзначаюць, што менавіта з Ліды ўжо на працягу многіх гадоў арганізоўваюць пешую пілігрымку ў Будслаў, што сведчыць пра добрае душпастырства Уладзіміра Гуляя для мясцовай моладзі.

Сам ксёндз Уладзімір Гуляй ужо таксама пракаментаваў сваё новае прызначэнне:

«Перш за ўсё, словы, напоўненыя падзякай Богу за яго бязмерную любоў, якую аказвае кожнаму з нас… Дзякую за дар паклікання, за новае заданне. Калі Бог дае заданне, ён дае і Сваю ласку, каб гэта заданне я выканаў добра».

 

Каментары2

  • ВІТАЎТ
    06.04.2024
    Беларусізацыю ў каталіцкай царкве вітаю, вельмі доба і так павінна быць.
    А вось у маскоўскай царкве ў Беларусі беларусізацыю трэба шукаць із мікраскопам і нават тады цажка знайці, бо беларусізацыя з’яўляецца ворагам для масквы.
    У будучыні, ў свабоднай Беларусі, напэўна Беларуская Аўтакефальная Праваслаўная Царква вернецца із замежжа, а маскоўскую будуць гнаць так як на Ўкраіне.
  • не беларус
    06.04.2024
    Традыцыйна беларусізацыя ідзе перад русіфікацыяй. Панямонне - не Русь.

Масавыя чысткі на беларускіх абарончых прадпрыемствах

Масавыя чысткі на беларускіх абарончых прадпрыемствах

Усе навіны →
Усе навіны

У Італіі затрымалі беларуса, аб'яўленага ў вышук на радзіме3

У Беларусі будуць будаваць менш новых дарог1

Шольц адмовіўся каментаваць магчымасць абмену Рыка Крыгера на Вадзіма Красікава7

У Турцыі затрымалі расіяніна, падазраванага ў падрыве аўтамабіля афіцэра ГРУ ў Маскве

Памятаеце беларуса, які падчас экстрадыцыі перакрыў мост на мяжы? Яго ўсё ж пасадзілі на суткі7

У Пінску прайшла моцная залева, затапіла вуліцы ВІДЭА

«Акела прамахнуўся». У сеціве завірусілася пацешнае ВІДЭА, як брэсцкі кот паляваў на бусла1

Жанчына з-пад Шклова дала знаёмаму ключы ад машыны і ў выніку заляцела на 65 тысяч рублёў: «А ён адседзеў 3 гады — і ўсё»21

У ДТЗ у Мінскім раёне пацярпелі пяцёра дзяцей — восем чалавек набіліся ў легкавую Audi

больш чытаных навін
больш лайканых навін

Масавыя чысткі на беларускіх абарончых прадпрыемствах

Масавыя чысткі на беларускіх абарончых прадпрыемствах

Галоўнае
Усе навіны →