Грамадства44

У якіх гарадах Беларусі колькасць насельніцтва вырасла з 2000 года РЭЙТЫНГ

«Наша Ніва» параўнала, наколькі змянілася насельніцтва ў розных гарадах Беларусі ад пачатку стагоддзя. 

Мы нанеслі на карту ўсе беларускія гарады і райцэнтры, у якіх цяпер жыве больш чалавек, чым у 2000 годзе. Іх налічыўся 31.

Гарады, у якіх колькасць насельніцтва вырасла больш, чым на 20%, пазначаныя зялёным. Тыя, дзе стала на 10-12% больш жыхароў, — жоўтым. А дзе колькасць насельніцтва вырасла менш, чым на 10% — аранжавым.

Можна вылучыць чатыры асноўныя групы гарадоў.

1) Мінск і ваколіцы

У самой сталіцы колькасць насельніцтва вырасла на 18,4%, у спадарожніках яшчэ больш. Адметна, што сярод бліжэйшых райцэнтраў большай папулярнасцю карыстаюцца тыя гарады, якія знаходзяцца бліжэй да трасы М1. То-бок Стоўбцы, Узда і нават Нясвіж разрастаюцца больш за Валожын ці Чэрвень.

2) Брэст і брэсцкае Палессе

Сярод істотных фактараў большая доля прыватнага бізнэсу ў эканоміцы, чым на ўсходзе Беларусі — а значыць, і вышэйшы ўзровень дабрабыту. Блізкасць да Польшчы і Украіны традыцыйна спрыялі гандлю. А распаўсюд пратэстантызму прывёў да росту нараджальнасці. У выніку ў плюс Брэст з Жабінкай, і больш далёкія Столін і Іванава.

Натуральна, мае значэнне і больш камфортны клімат, чым на ўсходзе ці поўначы Беларусі.

3) Чарнобыльскія гарады Гомельшчыны

Брагін, Лельчыцы, Карма, Чачэрск, Нароўля, Ветка — ва ўсіх гэтых гарадах і мястэчках колькасць насельніцтва павялічвалася. Цяжка вылучыць адну канкрэтную прычыну.

Па-першае, дзяржаўныя праграмы аднаўлення пацярпелых тэрыторый і звязаныя з імі льготы.

Па-другое, кліматычныя ўмовы, якія сыгралі ў плюс таксама, як і ў сітуацыі з Брэстчынай.

Магчыма, адыгрывае ролю і той факт, што адразу пасля Чарнобылю колькасць насельніцтва ў рэгіёне істотна скарацілася. З цягам часу людзі сталі вяртацца ў родныя мясціны. А паколькі мы параўноўваем сітуацыю з 2000-м, то і складваецца ўражанне істотнага росту.

4) Астравецкая АЭС

Будаўніцтва АЭС прывяло да выбуховага развіцця Астраўца, сталі карыстацца папулярнасцю і Ашмяны. У трэцім горадзе рэгіёна, у Смаргоні, насельніцтва ўсё ж зменшылася, але мінімальна.

***

Удакладнім, што ў кожным канкрэтным выпадку могуць уплываць і іншыя невідавочныя фактары. Напрыклад, у рэйтынг патрапіў Віцебск, хоць сітуацыі па ўсёй Віцебшчыне (як і па Магілёўшчыне) выглядае крайне дэпрэсіўна.

Але ў чым феномен Віцебска? Рэч у тым, што ў 2017 годзе ў склад горада ўключылі пасёлак Руба з 7500 жыхарамі. Яны засталіся жыць там, дзе і раней, але фармальна сталі віцебчукамі.

Падобная сітуацыя і з Гомелем. У 2016-м у склад абласнога цэнтра ўключылі 10-тысячную Касцюкоўку.

2000 2024 Рост
1 Астравец 8666 15116 74,43%
2 Лагойск 9664 15565 61,06%
3 Смалявічы 14107 22679 60,76%
4 Фаніпаль 11387 18252 60,29%
5 Заслаўе 13118 17407 32,70%
6 Брагін 3490 4570 30,95%
7 Лельчыцы 9912 12334 24,44%
8 Дзяржынск 23963 29796 24,34%
9 Карма 6357 7837 23,28%
10 Брэст 287384 344470 19,86%
11 Гродна 302384 361115 19,42%
12 Мінск 1683135 1992862 18,40%
13 Чачэрск 7618 8927 17,18%
14 Нароўля 7322 8371 14,33%
15 Столін 12210 13785 12,90%
16 Жабінка 12806 14418 12,59%
17 Узда 9490 10619 11,90%
18 Ашмяны 15068 16787 11,41%
19 Ветка 7732 8599 11,21%
20 Маларыта 11529 12735 10,46%
21 Нясвіж 14478 15968 10,29%
22 Жодзіна 59457 63744 7,21%
23 Стоўбцы 16555 17737 7,14%
24 Жлобін 72155 76844 6,50%
25 Кобрын 50947 52635 3,31%
26 Гомель 485600 501102 3,19%
27 Ліда 100746 103916 3,15%
28 Віцебск 347927 358395 3,01%
29 Баранавічы 168096 171361 1,94%
30 Іванава 16004 16172 1,05%
31 Клецк 11187 11248 0,55%

Каментары4

  • Илья
    03.04.2024
    В чернобыльских районах выросло население, т.к. недвижимость была дешевле, чем везде.
  • Таіці
    06.04.2024
    Ішчо вырасла ў аграгарадках каля злавешчага NATO. Очэнь вырасла я прама скажу. Там ужэ прыходзіцца на аднаго вылупіўшагася да 1994 года па дзесяць завезеных пасля 2020... Да Куйрам-Байрам ішчо ў Бярэсьці канешне яшчэ не дайшло але здаецца міне хутка на глобусе будзіт ішчо адна мусульманская краіна Браслаўскіх азёр )))
  • Ад прадзедаў, спакон вякоў, мне засталася спадчына.
    06.04.2024
    Па- першае: не Мінск, а Менск, не Гродно, а Гародня, не Брэст, а Бярэсце.
    Па-другое: а дзе статыстыка нашых спрадвечных гарадоў Смаленска, Невеля, Веліжа, Вільні, Вількаміра, Еўя...? Гдзе?
    Не, я разумею, што дарэмна чакаць адказу ад, хто нават не ведае назвы гарадоў сваёй дзяржавы, ды карыстаецца іх польска- расейскамі назвамі, але ж калі маўчаць, то вы так будзеце жыць і далей, як непісьменные бздуры.
    Але відавочна, вам так нават падабаецца. Такі вы народзец.

Удзельнік апазіцыйнага руху Віталь Лухвіч выявіўся платным міліцэйскім стукачом8

Удзельнік апазіцыйнага руху Віталь Лухвіч выявіўся платным міліцэйскім стукачом

Усе навіны →
Усе навіны

Перасаджвацца ў іншы аўтобус у чарзе на мяжы больш нельга? Здаецца, так2

Лукашэнка прапанаваў адсякаць рукі тым, хто крадзе ў сельскай гаспадарцы6

Акадэмія навук распрацавала інструкцыю па знішчэнні «экстрэмісцкіх» кніг у бібліятэках11

«Заснулі на Каліноўскага, прачнуліся на Машэрава». У Кобрыне за ноч прыбралі паказальнікі з прозвішчам Каліноўскі ВІДЭА2

Грамадзяніна Германіі прысудзілі ў Беларусі да расстрэлу15

Зніклага ў Польшчы беларуса знайшлі ў Варшаве збітым і без дакументаў10

«Вада пранікла ўнутр, запоўніла салон мне па пояс, рукі трэсліся». Хто тая дзяўчына з запамінальнага фота мінскага патопу3

У Беларусі пачалася перадвыбарчая агітацыя за Лукашэнку ФОТАФАКТ32

Сусветныя цэны на каву б'юць рэкорды. Кошт вашага латэ пад пагрозай5

больш чытаных навін
больш лайканых навін

Удзельнік апазіцыйнага руху Віталь Лухвіч выявіўся платным міліцэйскім стукачом8

Удзельнік апазіцыйнага руху Віталь Лухвіч выявіўся платным міліцэйскім стукачом

Галоўнае
Усе навіны →