Жанчыне каля сямідзесяці гадоў, нядаўна яна яшчэ магла перасоўвацца самастойна.
Работнікі Міністэрства па надзвычайных сітуацыях дапамаглі брыгадзе хуткай медыцынскай дапамогі даставіць у бальніцу пацыентку вагой 300 кг. Пра гэта Мінск-навінам паведаміў галоўны доктар 11-й падстанцыі сталічнай службы «103» Яўген Юдакоў.
Як адзначыў Я.Юдакоў, гарадская станцыя хуткай медыцынскай дапамогі заключыла дамову з МНС. Так, калі пацыент важыць 150 кг і больш, то, каб даставіць яго ў бальніцу, выклікаюць ратавальнікаў. Калі вага крыху меншая, медыкі выкарыстоўваюць эвакуацыйнае крэсла, якое ездзіць па прыступках.
— Няпроста, вядома, у гэтым выпадку брыгадзе хуткай, але гэта нашмат лягчэй, чым несці 140-кілаграмовага волата на насілках. Акрамя таго, нам дапамагаюць навакольныя: сваякі пацыента, суседзі. У нашай практыцы няшмат такіх хворых, — распавёў галоўны доктар.
Каментары