Усяго патроху22

Гродзенец ператварыў 36-гадовы фургончык у кветкавую краму ФОТА

Пра арыгінальны падыход у кветкавым бізнэсе піша Newgrodno.by.

Фота тут і далей: Newgrodno.by

Невялікі блакітны фургончык «Your Flowers» стаіць у адным са спальных раёнаў Гродна. Машыне без малога 36 гадоў, расказваюць журналісты.

Гэта чэшскі аўтамабіль Avia A21F 1988 года выпуску. Чэхаславацкая фірма «Авія» выпускала такія фургоны з 1983 па 1993 год.

Раней гэты яркі грузавічок займаўся перавозкай прадуктаў у Віцебскай вобласці, пакуль яго не купіў кветкавы бізнэсмен з Гродна.

Дарэчы, справа гэта ў хлопца сямейная. Вырошчвалі і прадавалі кветкі яго бацькі і нават бабуля. Так што, як прызнаецца Марк, выбару ў яго асабліва не было. Дарэчы, каб увайсці ў справу, зберажэнняў шмат не трэба. Калі знойдзеце пад падушкай $3 000, можна рызыкнуць і стаць гандляром руж ды мімоз.

У Марка па горадзе некалькі павільёнаў. Канкураваць з іншымі кветкавымі пунктамі, якіх у Гродне шмат, атрымоўваецца за кошт выгаднага месцазнаходжання, цэн і дасведчанага фларыста. Вядома, асаблівай папулярнасцю карыстаецца вось гэты фургончык.

— Усе думаюць, што тут пякуць чарговыя бліны або гандлююць шаўрмой! А калі бачаць кветкі, вельмі дзівяцца. Падобнага ў горадзе ў нас яшчэ няма… Таму ўвагі, вядома, хапае.

Адкрываць кветкавы магазін дорага і ўжо банальна, кажа Марк. Таму замест павільёна Гродзенскі прадпрымальнік купіў старэнькі 36-гадовы бус.

— У горадзе ўсё больш і больш з'яўляецца рэстаранаў на колах. Я падумаў: А чаму б мне не замуціць такі ж фургончык, толькі кветкавы? У краме патрэбныя дадатковыя халадзільнікі. Арэнда і камуналка дарагія… А тут задачай самай складанай аказалася знайсці падыходны бус і мінімальна прыстасаваць яго да гандлю!

Калі прадпрымальнік купіў бус, той быў увесь іржавы.

— Але мы яго цалкам пераабсталявалі, абшылі ўнутры і перафарбавалі. Правялі праводку і ўставілі лічыльнікі. На ўсе працы разам з купляй сышло блізу $4 000, — распавядае гарадзенец. — Тут дызельны рухавік, чатырохступеньчатая механічная каробка перадач, спружынная падвеска. Грузападымальнасць — звыш 3,5 тоны!

Чэшскі фургончык перасоўны. На далёкія адлегласці ехаць, вядома, ніхто не рызыкне, але з аднаго спальнага раёна ў іншы цалкам можна.

Для 8 Сакавіка бізнэсмен падрыхтаваў больш за 10 тысяч кветак. Вядома, у асноўным папулярнасцю ў гэтыя дні карыстаюцца цюльпаны. Сярэдняя іх цана — ад 3,5 рубля. Атрымліваецца, за адзін дзень рэальна выручыць каля 10 тысяч даляраў.

Каментары2

  • Пецька
    08.03.2024
    Таму што адкрыць нармальную краму нерэальна. Таму і карыстаюцца такім во калхозам.
  • Максим Дизайнер
    09.03.2024
    Огонь. Как вариант - дом на колесах. В стране, где они стоят космические деньги в сравнении с тем же UK.

Расія ўнесла ў папярэдні спіс ЮНЕСКА Брэсцкую крэпасць. Але чаму Расія?4

Расія ўнесла ў папярэдні спіс ЮНЕСКА Брэсцкую крэпасць. Але чаму Расія?

Усе навіны →
Усе навіны

Івулін і Астапеня запусцілі падарожна-культурніцкае шоу «Гэта топ!» ВІДЭА11

Нарэшце пойдуць дажджы

Сёння пачынаюць судзіць гісторыка Ігара Мельнікава2

Што цяпер чуваць пра воспу малпаў, якую месяц таму абвясцілі пагрозай свету?1

«Мама, ён ударыў яго аб дрэва!» Падрабязнасці жорсткага забойства кацяняці ў Мінску1

Літва рыхтуе Нацыянальны план масавай эвакуацыі7

Ідэолаг Мінабароны расказаў, што гульню Pokemon Go выкарыстоўвалі для шпіянажу — збіралі даныя пра авіябазу ў Мачулішчах13

Шайгу: Пра перамовы з Украінай не можа ісці гаворкі, пакуль не выкінем іх з нашай тэрыторыі8

Apple прэзентавала лінію новых айфонаў са штучным інтэлектам

больш чытаных навін
больш лайканых навін

Расія ўнесла ў папярэдні спіс ЮНЕСКА Брэсцкую крэпасць. Але чаму Расія?4

Расія ўнесла ў папярэдні спіс ЮНЕСКА Брэсцкую крэпасць. Але чаму Расія?

Галоўнае
Усе навіны →