Набор абітурыентаў у сталічныя ВНУ будзе скарачацца, а ў рэгіянальныя — наадварот, падтрымлівацца. Пра гэта на калегіі камітэта па адукацыі Мінгарвыканкама 5 сакавіка расказаў міністр адукацыі Андрэй Іванец.
Адначасова са скарачэннем набору ў ВНУ сёлета павялічыцца колькасць месцаў ва ўстановах для атрымання сярэднеспецыяльнай адукацыі. Таксама плануецца зменшыць колькасць платных месцаў у ВНУ і павялічыць месцы на бюджэт.
«Медалісты маюць проста беспрэцэдэнтныя магчымасці — паступленне ў ВНУ без экзаменаў, у сталічныя — на запатрабаваныя эканомікай спецыяльнасці, — зазначыў Іванец. — Сёлета мы пашырылі пералік. Раней шмат у чым гэта былі спецыяльнасці, непапулярныя ў абітурыентаў. Мы змяняем падыходы і паварочваемся тварам да маладых людзей».
Раней Іванец прапанаваў у некалькі разоў падвысіць памер кампенсацыі за неадпрацоўванне размеркавання па сканчэнні ВНУ. Такія захады, на думку чыноўніка, мусяць паспрыяць замацаванню кадраў на працоўных месцах.
Усё здарылася на Новы год. Смерць самай публічнай супрацоўніцы мінскага АМАПа дагэтуль пакідае пытанні10
Каментары