Грамадства99

«Захоўвайце як зрэнку вока, гэта для «Першага». Злівы размоў чыноўнікаў пра вакцыну для Лукашэнкі і статыстыку па каранавірусе

Кіберпартызаны злілі размовы, якія паказваюць, як чыноўнікі падманвалі людзей падчас кавіду, а для Лукашэнкі і яго сям'і былі адпраўлены прышчэпкі ад гэтага вірусу. Расследаванне апублікаваў «Белсат».

Скрын відэа belsat_news / YouTube

У рукі Кіберпартызанаў трапілі запісы тэлефонных размоваў з красавіка па чэрвень 2021 года. Гэта канец другой хвалі захворванняў, калі панаваў штам «амікрон».

Вакцына для Лукашэнкі

Адна са злітых размоў — паміж начальніцай галоўнага ўпраўлення аховы здароўя Мінгарвыканкама Наталляй Баярскай і галоўным доктарам Мінскай абласной дзіцячай бальніцы Дзмітрыем Зайцавым.

У размове Баярская кажа, што знайшла пяць доз першага і другога кампанентаў прышчэпкі з тэрмінам прыдатнасці да верасня 2021 года.

«У чацвер Матронкіна з раёна прывязе яе вам. Захоўвайце яе як зрэнку вока. Гэта будзе для «Першага» і ахвотных, можа быць, сямʼі. Але ў панядзелак да вас прыйдзе Румас».

Такім чынам, Лукашэнка, які казаў, што прышчэпіцца толькі беларускай вакцынай, атрымаў расійскую яшчэ ў чэрвені 2021 года, як толькі яна з'явілася, кажуць у расследаванні «Белсат».

Кавід Лукашэнка прышчэпка Вакцинация Ковид Лукашенко COVID Lukashenko vaccination
Скрын відэа belsat_news / YouTube

Падман з наяўнасцю вакцын

У расследаванні прыводзіцца фрагмент размовы, дзе чыноўнікі дамаўляюцца падманваць людзей. 8 мая 2021 года на «Экспабеле» быў арганізаваны пункт вакцынацыі. З-за перапынку ў пастаўках вакцыны было шмат ахвотных прышчапіцца.

У адной з размоваў Наталля Баярская апісвае сітуацыю, якая была ў гэтым пункце вакцынацыі 10 мая 2021-га:

«Людзі і з Брэста, і з Гродзенскай вобласці, і з Мінскай, з іншых гарадоў. Увогуле стаялі сцяною. Не выпускалі медыкаў у 7 гадзін вечара 10 мая з пункту. Патрабавалі прышчапіць да апошняга. Быў жа перапынак. Ні ў Мінску, нідзе не было вакцыны. Толькі ў нас».

У выніку давялося выклікаць міліцыю, каб супакоіць людзей.

Затым начальства часова закрыла пункт на «Экспабеле». А каб насельніцтва не абуралася, паставілі там работніка. Ён хлусіў людзям пра рэальны стан рэчаў з вакцынацыяй.

Так, у размове з Баярскай галоўны доктар Мінскай цэнтральнай раённай клінічнай бальніцы Гарык Барсамян сцвярджаў:

«Мы там паставім чалавека, які будзе расказваць казкі, што мінскія паліклінікі атрымалі вакцыну, у паліклініках чэргаў няма. Ідзіце туды. Пра тое, што партыя вакцыны скончылася, не гаворым? Так?»

«Ні ў якім выпадку!» — адказала Баярская.

Як падаваць інфармацыю

У 2021 годзе перабоі з вакцынамі былі ў трох кварталах. Чыноўнікі пра гэта маўчалі, і рабілі ўсё, каб схаваць рэальныя лічбы памерлых.

У іншым фрагменце чуваць, як Наталля Баярская ўдакладняе ў намесніцы міністра аховы здароўя Алены Богдан: «Вось чытаю інфармацыю па Дзяржынску. Алена Леанідаўна, а лічбы тыя, пра якія мы не вельмі гаворым, так і захоўваць?»

«Лепш не паказваць», — раіць Богдан.

«Увогуле ў прынцыпе, так?» — удакладняе Баярская.

«Не паказваць. Не паказваць. Агульнымі фразамі, што каранавірусная інфекцыя ўнесла свае карэктывы. Усё», — патрабуе Богдан.

Як рыхтаваліся да візітаў высокіх чыноўнікаў

У фрагменце размовы Наталлі Баярскай з галоўнай доктаркай Крупскай цэнтральнай раённай бальніцы Аленай Клешчанок першая цікавіцца: «У аўторак у вас будзе мерапрыемства з удзелам высокіх службовых асобаў. Скажы мне, калі ласка, палату ты зможаш арганізаваць рэанімацыйную?»

На што Клешчанок адказвае: «На базе чыстай аперацыйнай, таму што ў рэанімацыі ў нас дадатковыя два ложкі».

«Але ты цалкам зможаш яе арганізаваць?» — удакладняе Баярская.

«Ну, мы рабілі ўжо так, як для прэзідэнта ў адпаведнасці з… гэта самае».

«Так. Добра. І там асобны, без кавіду ўваход і ўсё астатняе, так?»

«Усё будзе. І асобны чысты ўваход», — запэўнівае Клешчанок.

Чытайце яшчэ:

У чарзе на прышчэпку ад кавіду ў «Экспабеле» стаіць сто чалавек ФОТА

Пункт вакцынацыі ад кавіду ў «Экспабеле» — усё. Прышчэпкі больш рабіць не будуць

Лукашэнка заявіў, што перахварэў на амікрон. Што ён рабіў апошнія два тыдні і што павінен быў рабіць

Намесніца міністра аховы здароўя адмовілася адказваць на пытанні журналістаў на брыфінгу

Каментары9

  • Вот я
    19.02.2024
    Атрымаў прышчэпку ад таго, чаго не існуе. Сказачны
  • даведка
    19.02.2024
    Богдан за свою ложь и роль в сокрытии/искажении получила валютную должность в офисе Союзного государства.
  • IR
    19.02.2024
    Вакцина НЕ ЛЕЧИТ УЖЕ заболевших.
    Вакцина - вводиться в организм ЗДОРОВОМУ человеку с целью, вызвать выработку антител в организме на заболевание (очень малое количество биологического материала возбудителя заболевания - ослабленный вирус, микроорганизм содержится в вакцине).
    Вся эта клоунада с вакцинацией - это просто очень удачное зарабатывание денег, основанное на тупом выполнении врачами указаний неграмотных чиновников...
    Врач НАСТОЯЩИЙ никогда не вколет больному человеку вакцину!
    Маленьким детям вводят плановые прививки только АБСОЛЮТНО ЗДОРОВЫМ!!!
    ЭТО ИЗУЧАЮТ В ШКОЛЕ НА УРОКАХ БИОЛОГИИ...

Замах на Дональда Трампа: у яго стралялі ў час выступу ў Пенсільваніі38

Замах на Дональда Трампа: у яго стралялі ў час выступу ў Пенсільваніі

Усе навіны →
Усе навіны

Папулярны польскі трэвэл-блогер расказаў пра сваю паездку ў Беларусь і даў парады20

У мінскай краме знайшлі прадукт, які каштуе 12 тысяч рублёў за кілаграм. Ён запакаваны ў бокс супраць крадзяжу

Буйныя донары-дэмакраты збіраюцца замарозіць 90 мільёнаў даляраў унёскаў на кампанію Байдэна1

«Пачуй мяне. Ты — мудак». Прапагандыст Казакоў у жывым эфіры даў майстар-клас завочнай палемікі16

У Салігорскім раёне знайшлі вусеня вельмі рэдкага матылька. Чаму мы так рэдка яго бачым?3

Што адбываецца на мяжы з Польшчай перад выходнымі

«Замоў вельмі шмат». Польскі рэстаран арганізаваў дастаўку піцы проста ў чаргу на мяжы з Беларуссю1

Полк Каліноўскага абверг паведамленне Мінабароны Беларусі аб гібелі Яна Рудзіка3

У Іспаніі даказалі гіпотэзу 54-гадовай даўніны вядомага матэматыка родам з Кобрына

больш чытаных навін
больш лайканых навін

Замах на Дональда Трампа: у яго стралялі ў час выступу ў Пенсільваніі38

Замах на Дональда Трампа: у яго стралялі ў час выступу ў Пенсільваніі

Галоўнае
Усе навіны →