Праблему бясконцых затораў каля Калядзічаў збіраюцца нарэшце вырашыць
Падʼязную дарогу да прамысловага вузла Калядзічы ад МКАД-2 пачнуць будаваць у другім паўгоддзі 2024 года. Пра гэта паведаміў кіраўнік адміністрацыі Кастрычніцкага раёна Генадзь Любатынскі, пішуць «Мінск-Навіны».
![](http://d3kcf2pe5t7rrb.cloudfront.net/img/w732d4webp1/photos/z_2024_02/-64h65.jpg.webp)
Фота: petitions.by
Калядзічы — прамысловы і транспартны цэнтр. Шматтонныя машыны, якія выязджаюць на МКАД, ствараюць заторы і праблемы.
— Ужо вызначаны заказчык — Упраўленне капітальнага будаўніцтва «Захад», вядуцца перадпраектныя працы, збіраюцца дакументы. Плануецца ў другім паўгоддзі распачаць будаўніцтва. Гэта будзе двухпалосная дарога, якая стане працягам вуліцы Бабушкіна — уздоўж чыгуначнай лініі вакол Гатава з выездам на другую Мінскую кальцавую аўтамабільную дарогу, — удакладніў Генадзь Любатынскі.
Каментары