Калі па ўсіх правілах, у саўне трэба быць голым? Трэба маўчаць? Вось што кажуць фіны.
Многія мяркуюць, што ў саўне ці лазні канечне быць голым, толькі ручнік падсцілаць. А вось фіны не лічаць гэта важным. Тут людзі часцей за ўсё ходзяць у саўны ў купальніках.
Увогуле, галоўнае правіла фінскай саўны — ніякіх правілаў няма! «Кожны ходзіць у саўну так, як хоча», кажуць фіны. Але ходзіць! Многія, калі не ўсе, фіны ходзяць у саўну. На 5,5 мільёна жыхароў прыпадае 3 мільёны саўнаў, і большасць людзей маюць уласную саўну дома. Але ходзяць парыцца і ў грамадскія — каб пагаварыць, патусавацца.
Кожны застаецца столькі, колькі можа вытрымаць. Некаторым трэба 10 хвілін, іншым — 45 хвілін, а хтосьці застаецца ў саўне гадзінамі. Ліюць ваду на разагрэтыя камяні, а вось дадаваць водары не прынята.
Пасля саўны часта скачуць у басейн з халоднай вадой. Холадна, але вытрымліваеш — маленькая перамога. Гэта і значыць «сісу» — асаблівае фінскае слова, якое азначае «сілу», «баявы дух».
Фінам неўласціва зацыклівацца на непрыемнасцях, яны проста закасваюць рукавы і бяруцца за справу. Магчыма, гэта і ёсць галоўны сакрэт, чаму фіны традыцыйна ў версе рэйтынгаў шчасця. Калі не першае месца, то другое. Бо галоўнае ўсё ж — што фіны старанныя, шчырыя да працы, а таму заможныя.
Дзяніс Мельянцоў і яго рэалпалітык: ён сапраўды памяняў погляды ці проста раней маскіраваўся?47
Каментары