Эканоміка33

За грошы на касмічныя і сацыялагічныя даследаванні Акадэміі навук пабудуюць бульбасховішча

Урад скараціў расходы Нацыянальнай акадэміі навук на 2,3 млн рублёў, каб за іх пабудаваць бульбасховішча на Талачынскім кансервавым заводзе. Гэта вынікае з пастановы ўрада № 935 ад 26 снежня.

 Фота: Aleksandr Rybin / vecteezy.com

Расходы Нацыянальнай акадэміі навук Беларусі скароцяць па трох напрамках.

Асноўную частку грошай забяруць з праграмы стварэння Беларускай касмічнай сістэмы дыстанцыйнага зандавання Зямлі — каля 2 млн рублёў.

Астатняе дабяруць з выдаткаў на правядзенне маніторынгавых і аператыўных сацыялагічных даследаванняў, сацыялагічных апытанняў насельніцтва (на 50 тысяч рублёў), а таксама з грошай на выпуск прадукцыі навуковымі арганізацыямі НАН.

Бульбасховішча на 20 тысяч тон будзе пабудавана на Талачынскім кансервавым заводзе. Гэта прадпрыемства выпускае віны, паўфабрыкаты для бульбы-фры, крухмал і іншую прадукцыю.

Праграма стварэння касмічнай сістэмы дыстанцыйнага зандавання — гэта першы беларускі праект сістэмнага ўзроўню ў касмічнай сферы. У рамках гэтай праграмы навуковае прадпрыемства «Геаінфармацыйныя сістэмы» супрацоўнічае з Расіяй, Венесуэлай, Казахстанам, Індыяй, Вʼетнамам і іншымі краінамі.

У яе арбітальным сегменце выкарыстоўваюцца Беларускі касмічны апарат высокай разрознасці і замежныя спадарожнікі нізкай і сярэдняй разрознасці, удакладняе «Спутнік».

Каментары3

  • Янка
    28.12.2023
    Абсурднасць сытуацыі ў тым, што Талачынскі кансервавы завод - гэта камерцыйнае прадпрыемства, а АН - бюджэтная ўстанова. Не кажучы аб тым, што дзяржава ўвогуле не павінная займацца камерцыйнымі інвестыцыямі, тут справа ідзе аб змене структуры бюджэту, зацверджанай законам аб дзяржбюджэце, які ў сваю чаргу зацверджваецца "парламентам". Але аб чым казаць, калі часам не да законаў.
  • Иосиф
    28.12.2023
    Гусаков просто работает по схеме Мясниковича. Тот любил мерсы-фургоны и виски в автокарманах ездить на охоту.
  • Woodoo Cult
    29.12.2023
    П -- приоритеты.

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Усе навіны →
Усе навіны

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе2

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай17

Полк Каліноўскага афіцыйна пацвердзіў замену свайго камандзіра і заявіў пра рэфармаванне20

Польшча распачала паляванне на кампаніі, якія абыходзяць санкцыі супраць Беларусі і Расіі1

Лукашэнка загадаў адпраўляць на ліквідацыю наступстваў урагану палітзняволеных18

больш чытаных навін
больш лайканых навін

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Галоўнае
Усе навіны →