У гэтым доме жылі знакамітасці БССР. Паглядзіце, якую кватэру там прадаюць
У знакамітым доме з чайкай, куды засяліліся вядомыя людзі БССР, на продаж выставілі кватэру, у якой спыніўся час. Відаць, што ў ёй жыла інтэлігенцыя, піша Realt.by
![](http://d3kcf2pe5t7rrb.cloudfront.net/img/w732d4webp1/photos/z_2023_12/a16_75-kxjzj.jpg.webp)
Гэты дом з надпісам «МАЗ» на даху знаходзіцца на праспекце Незалежнасці, 80 у Мінску. Яго пабудавалі ў 1962 годзе па праекце архітэктараў Сысоева і Мусінскага. Першапачаткова ён выглядаў так:
![](http://d3kcf2pe5t7rrb.cloudfront.net/img/w732d4webp1/photos/z_2023_12/a17_73-nqg31.jpg.webp)
Будынак стаў сапраўднай гарадской славутасцю. У народзе яго называлі дом з чайкай (з-за канструкцыі на даху).
Планіроўка кватэр, пад'ездаў, лесвічных праёмаў і ліфтаў адпавядалі патрабаванням падвышанай камфортнасці, паколькі дом прызначаўся для эліты таго часу: чыноўнікаў, прадстаўнікоў тэхнічнай і творчай інтэлігенцыі, ваенных і спартсменаў.
Тут жылі футбалісты мінскага «Дынама», заслужаны і народны артыст БССР, спявак Зіновій Бабій, Герой Савецкага Саюза лётчык Андрэй Кулагін. Была тут і кватэра трохразовага алімпійскага чэмпіёна і сяміразовага чэмпіёна свету па барацьбе Аляксандра Мядзведзя.
![](http://d3kcf2pe5t7rrb.cloudfront.net/img/w732d4webp1/photos/z_2023_12/a18_56-1afgw.jpg.webp)
А нядаўна тут на продаж выставілі трохпакаёвую кватэру, у якой савецкі інтэр'ер захаваўся амаль у першапачатковым выглядзе. Яна знаходзіцца на другім паверсе, але не ў цэнтральнай, а ў бакавой частцы дома.
Плошча кватэры — 65,6 «квадрата». У яе вось такая планіроўка:
![](http://d3kcf2pe5t7rrb.cloudfront.net/img/w732d4webp1/photos/z_2023_12/a15_91-l43ja.jpg.webp)
Але больш цікавы тут інтэр'ер, бо ён захаваўся амаль у першапачатковым выглядзе. Ва ўсёй кватэры той самы паркет ялінкай і вінтажная (па цяперашніх мерках) мэбля. Вось так выглядае гасцёўня:
![](http://d3kcf2pe5t7rrb.cloudfront.net/img/w732d4webp1/photos/z_2023_12/-6-m95rb.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_12/-4-irl7w.jpg.webp)
У двух жылых пакоях — таксама толькі савецкая мэбля. Выбіваюцца з кантэксту хіба што пузатыя тэлевізары з 90-х.
![](http://d3kcf2pe5t7rrb.cloudfront.net/img/w732d4webp1/photos/z_2023_12/-8-muevy.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_12/-7-h2meb.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_12/-3-a3v2s.jpg.webp)
Рогі — таксама на месцы. Яны вісяць у калідоры. Тут жа — і партрэт Пушкіна.
![](http://d3kcf2pe5t7rrb.cloudfront.net/img/w732d4webp1/photos/z_2023_12/-1-8mwuk.jpg.webp)
Кухня — 8 «квадратаў». Санвузел — раздзельны. Лоджыя зашклёная вокнамі ПВХ.
![](http://d3kcf2pe5t7rrb.cloudfront.net/img/w732d4webp1/photos/z_2023_12/-5-rqcyq.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_12/-2-ym6rf.jpg.webp)
За кватэру просяць 99,9 тысячы даляраў. Метр выходзіць па 1523 даляры.
Каментары