У нядзелю, 3 снежня, на большай частцы краіны пройдзе моцны снег. На дарогах чакаецца галалёдзіца, паведамляе Белгідрамет.
![](http://d3kcf2pe5t7rrb.cloudfront.net/img/w840d4webp1/photos/z_2023_12/145117912_3779189998808369_3245539422672367554_n-7pe3j.jpg.webp)
З абласных цэнтраў халадней за ўсё будзе ў Віцебску. Там тэмпература паветра ўдзень складзе -4..-6°C. Такой жа яна будзе і ў Мінску. Цяплей за ўсё будзе ў Брэсце і Гомелі: да -1..-3°C.
Акрамя гэтага, у апошні дзень тыдня прагназуюць моцны вецер. У Мінску, Гомелі і Магілёве парывы могуць дасягнуць 14 м/с.
Сталічная ДАІ рэкамендуе кіроўцам выконваць хуткасны рэжым, пазбягаць рэзкіх манеўраў, трымаць дыстанцыю і змяншаць хуткасць перад паваротамі і пешаходнымі пераходамі.
Каментары