«Сумнавата яму было, падобна, без спадара Пашыняна». Спецкарэспандэнт «Коммерсанта» пакпіў з Лукашэнкі ў рэпартажы з саміта АДКБ
Журналіст расійскага «Коммерсанта» Андрэй Калеснікаў вядомы іранічнай і даволі смелай манерай свайго пісьма. У саркастычнай манеры ён можа каментаваць падзеі з удзелам нават такіх «недатыкальных» у Расіі асоб, як Пуцін ці Рамзан Кадыраў. Не мяняў свайго стылю ён і гэтым разам, будучы адпраўлены ў камандзіроўку на саміт АДКБ у Мінск.
«Усярэдзіне ўсё як заўсёды. Перамен няма і не прадбачыцца, — апісвае карэспандэнт атмасферу ў Палацы Незалежнасці, у які ўваходзіць з «па-лютаўску» заснежанага Мінска. —
Тут рыхтуюцца да саміту кіраўнікоў краін АДКБ. І тут ужо ўсё, такое ўражанне, для людзей. То-бок у прэс-цэнтры на стале — проста батарэя гарэлкі «Прэзідэнт», французскага віна і армянскага каньяку, між іншым.
То-бок цень Нікола Пашыняна, які не прыехаў у Мінск з прычыны сваіх крыўдаў на арганізацыю, што так і не абараніла Арменіі, усё ж лунае тут, у гэтым пампезным пустынным будынку (і гэта, па справядлівасці, усё, чым прадстаўленая Арменія на саміце АДКБ)».
Да пытання адсутнасці Пашыняна Калеснікаў вяртаўся ўвесь час свайго рэпартажу, не ўпускаючы выпадку пакпіць з гэтай нагоды з Лукашэнкі.
«І толькі калі лідары пяці краін фатаграфуюцца на фоне сваіх сцягоў, ты разумееш, што пра Арменію нагадвае яшчэ і сцяг краіны за іх спінамі. Арменія пакуль не спісаная адусюль у АДКБ.
Перамовы ў вузкім складзе пачынаюцца рана, а заканчваюцца, хочацца напісаць, яшчэ раней.
«Праблемныя пытанні трэба абмяркоўваць за сталом перамоваў, а не здзяйсняць дэмаршы без пэўных прычын»,— раздражнёна кажа на пашыраным пасяджэнні спадар Лукашэнка, які яшчэ нядаўна на кожным саміце лічыў сваім абавязкам публічна павучыць жыццю Нікола Пашыняна і цяпер, мабыць, не ў апошнюю чаргу з-за гэтага пакутуе ад яго адсутнасці тут», — заўважае Калеснікаў.
А працытаваўшы выказванні Лукашэнкі пра пагрозу Трэцяй сусветнай вайны і пра ядзерную зброю як гарантыю бяспекі, маскоўскі журналіст робіць выснову:
«Так, сумнавата яму было, падобна, без спадара Пашыняна».
І звярнуў увагу на тое, што надзеі яшчэ некалі пабачыць армянскага прэм'ера Лукашэнка не траціць. Цытуе Лукашэнку:
«Мы выказалі меркаванне і пажаданне, што хутчэй за ўсё ў Піцеры, усё ж такі эканамічнае ў асноўным мерапрыемства, мы ўбачым нашых армянскіх сяброў».
Чытайце таксама:
Лукашэнка пакрыўдзіўся на Арменію за «дэмарш»
Міністрам культуры прызначаны артыст Руслан Чарнецкі
Каментары
Шесть поросят пошли купатьмя в море.....
Методичка спущена проста, все, неудобные, для лу-лу, новости из РФ, гневно ругать за перепечатку в белорусской газете, как и любой комментарии в ней на русском языке.
Впечатляет, пригожинскую фабрику, перешедшую под контроль вити, заставили выучить
белорусский язык.
А говорят, что, от пригожина и его троллей, нет никакой пользы.