Грамадства11

У Мінску затрымалі юрысконсульта. Яго маглі адшукаць праз Tinder — расказваем пра яшчэ адну небяспеку сэрвісу

Чалавеку пагражаюць «крыміналкай» за каментары.

Арцём Алексяёнак. Фота: ягоная старонка ва «УКантакце»

Арцёму Алексяёнку 28 гадоў. Ён з Калодзішчаў, гэта пасёлак пад Мінскам, каля Уручча.

Мужчына спачатку вывучаў юрыспрудэнцыю, а пасля — паліталогію ў Беларускім інстытуце правазнаўства.

Апошнім часам ён працаваў юрысконсультам у кампаніі «Белспортзабеспячэнне», якая арганізоўвае спартовыя мерапрыемствы і трымае гасцініцу «Спорт» на мінскай вуліцы Якуба Коласа.

Арганізацыя належыць Міністэрству спорту і турызму.

У відэа ГУБАЗіКа паказваецца інтэрфейс праграмы Tinder, праз якую нехта спрабуе пазнаёміцца з Арцёмам. І, хутчэй за ўсё, на іншым канцы сілавік. Дыялог абрываецца на фразе «Давай знаёміцца, Арцёме».

Акаўнт у тэлеграме Арцёма не бачны па ягоным нумары тэлефона, але абаронены не вельмі надзейна — у 2019—2020-м ён карыстаўся ўласным імем і нікнэймам. Таму незразумела, адшукалі яго праз Tinder або непасрэдна па акаўнце.

Але магчымая такая схема: з чалавекам знаёмяцца, а пасля прапануюць вывесці размову ў «тэлеграм». Людзі ў праграмах для знаёмстваў звычайна не хаваюць твару і сваіх даных, ды і створаныя яны для жывых зносін. Такім чынам сілавікі маюць магчымасць звязаць чалавека і ягоны акаўнт нават у тым выпадку, калі ён добра абаронены.

Такую магчымасць варта ўлічваць. Мы раім не даваць незнаёмцам ваш асноўны, а тым больш пратэсны тэлеграм-акаўнт і распавядаць асабістыя падрабязнасці вашага жыцця або тым больш палітычнай дзейнасці.

Зараз, згодна з інфармацыяй ад губазікаўцаў, Арцёму пагражае крымінальная справа за каментары ў тэлеграм-чатах. 

Нагадаем, што масавыя палітычныя рэпрэсіі ў Беларусі працягваюцца з 2020 года, калі Аляксандр Лукашэнка, мяркуючы па звестках з участкаў, дзе выбарчыя камісіі дазволілі назіральнікам сачыць за падлікам галасоў, прайграў Святлане Ціханоўскай, але не аддаў уладу. 

Лукашысты пераследуюць усіх, хто публічна выступаў супраць іх кіравання і супраць расійскага кантролю над Беларуссю.

З 2022 года, пасля нападу Расіі на Украіну, беларусаў пачалі пераследаваць таксама за антываенныя выказванні або сімпатыі да Украіны.

Згодна з падлікамі праваабаронцаў, за гэты час у краіне адбылося не менш за 55 тысяч палітычна матываваных затрыманняў. Па інфармацыі пракуратуры, заведзена не менш за 12 тысяч крымінальных спраў «экстрэмісцкай скіраванасці», гэта значыць палітычнага характару. Але і першая, і другая лічба, хутчэй за ўсё, няпоўная. Палітычна матываваных спраў можа быць нашмат больш, як і людзей, якія прайшлі праз затрыманні. 

«Наша Нiва» — бастыён беларушчыны

ПАДТРЫМАЦЬ

Каментары1

  • Правдорез
    31.10.2023
    Познакомился....
    Когда вы мозги начнёте включать, сограждане?
    Посмотри на себя в зеркало, мачо! Кому ты нужен, кроме губошлепика?)

Памятаеце беларуса, які падчас экстрадыцыі перакрыў мост на мяжы? Яго ўсё ж пасадзілі на суткі1

Памятаеце беларуса, які падчас экстрадыцыі перакрыў мост на мяжы? Яго ўсё ж пасадзілі на суткі

Усе навіны →
Усе навіны

У Трампа быў эфектыўны козыр супраць Байдэна. Цяпер ён можа вярнуцца бумерангам 3

«Сімпсаны» яшчэ ў 2000 годзе прадказалі, што Камала Харыс стане прэзідэнтам?2

«Радуйцеся, с*кі!» Чым скончыўся скандал паміж гінекалагіняй-блогеркай і пацыенткай прыватнага медцэнтра?17

99-гадовы беларус вырашыў атрымаць пасведчанне аб нараджэнні

Рыжанкоў прыляцеў у КНДР1

КНДР зноў запусціла шары са смеццем на поўдзень. Адзін з іх упаў ля рэзідэнцыі прэзідэнта Паўднёвай Карэі

Што адбываецца ў Палку Каліноўскага і чаму байцы кажуць пра яго магчымае знікненне?32

Харыс апярэджвае Трампа: 44% супраць 42% — першае апытанне пасля зняцця Байдэна27

Экс-расіянка павінна несці сцяг Кіпра на адкрыцці Алімпіяды. Але ў яе знайшлі OnlyFans, і пачаўся скандал16

больш чытаных навін
больш лайканых навін

Памятаеце беларуса, які падчас экстрадыцыі перакрыў мост на мяжы? Яго ўсё ж пасадзілі на суткі1

Памятаеце беларуса, які падчас экстрадыцыі перакрыў мост на мяжы? Яго ўсё ж пасадзілі на суткі

Галоўнае
Усе навіны →