У Расіі пачалі кампанію супраць літары Z. Ініцыяваў Дугін, падхапіў Маркаў
«Z — это действительно свастика для импотентов. Это символ позора русского непобедимого солдата», — пішуць прапагандысты.
![](http://d3kcf2pe5t7rrb.cloudfront.net/img/w840d4webp1/photos/z_2023_10/gettyimages-1520837152-o7js3.jpg.webp)
Расійскія прапагандысцкія каналы пачалі люта крытыкаваць яшчэ нядаўна свяшчэнны сімвал — літару Z, якую з пачатку вайны ў Расіі малявалі літаральна паўсюль (і не толькі ў Расіі).
Усё пачалося з публікацыі ў канале шавіністычнага расійскага ідэолага Аляксандра Дугіна, дзе той сказаў пра літару Z, што гэта «кепскі сімвал і піяраўская падробка», які «нічога не значыць».
![](http://d3kcf2pe5t7rrb.cloudfront.net/img/w732d4webp1/photos/z_2023_10/2023-10-02150351-il3rh.png.webp)
Гэтую хвалю крытыкі адразу ж падхапілі і іншыя расійскія прапагандысцкія медыя, некаторыя з іх нават і не саромеліся ў сваіх выразах.
«Z — гэта як унітаз. Давайце нашываць сабе на шаўроны ўнітазы і паміраць за іх. Нават больш сэнсу будзе», — напісаў канал Alex Parker Returns.
Тыя прапагандысцкія рэсурсы, якія падтрымалі Дугіна, у сваіх публікацыях адзначалі, што літары Z i V сведчаць аб паразе і ганебным стане рускай арміі альбо нават асацыююцца з ініцыяламі прэзідэнта Украіны Уладзіміра Зяленскага.
Быў і каментар, дзе літара Z называлася «свастыкай для нікчэмнасцяў і імпатэнтаў».
![](http://d3kcf2pe5t7rrb.cloudfront.net/img/w732d4webp1/photos/z_2023_10/2023-10-02150357-sewim.png.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_10/2023-10-02151055-c7vqq.png.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_10/imgonline-com-ua-2to1-afmhmp3fart7zzv-qqlbu.jpg.webp)
Аднак знайшліся і тыя, каму не спадабаліся аргументы Дугіна. Адны заявілі, што літара Z добрая, бо «пайшла ад народа, а не ад паліттэхнолагаў». Другім не спадабалася ідэя заўсёды паміраць то за «Святую Русь», то за якія-небудзь іншыя сімвалы. А трэцім Z падабаецца, бо падобныя сімвалы можна ўжываць у выбарчых кампаніях.
![](http://d3kcf2pe5t7rrb.cloudfront.net/img/w732d4webp1/photos/z_2023_10/2023-10-02170939-un2tm.png.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_10/2023-10-02170015-ss8ui.png.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_10/2023-10-02170736-hjno0.png.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_10/2023-10-02170703-pohu0.png.webp)
«Наша Нiва» — бастыён беларушчыны
ПАДТРЫМАЦЬ
Каментары