Работнік мясаперапрацоўчага завода вынес пад адзеннем 100 кілаграмаў мяса
Работнік мясаперапрацоўчага прадпрыемства ў Пружанскім раёне скраў звыш 100 кілаграмаў ялавічыны і два языкі больш чым на 800 рублёў. Усё гэта мужчына здолеў вынесці за межы завода пад адзеннем, паведамляе абласная міліцыя.
39-гадовы жыхар Пружанаў працаваў на бойні прадпрыемства.
Некалькі месяцаў пры апрацоўцы туш спрытны супрацоўнік зразаў кавалкі мяса, хаваў у сябе ў шафцы, а пасля змены выносіў пад адзеннем.
Скрадзенае прадаваў. У выніку трапіўся, і цяпер заведзена крымінальная справа за крадзеж.
Каментары