У Брэсце здаецца кватэра за 1000 даляраў на месяц. Сапраўды настолькі шыкоўны варыянт?
«Элітныя апартаменты» ў центры Брэста ці кватэра з відам на акіян у Тайландзе. У якіх незвычайных месцах можна арандаваць жыллё за 1000 даляраў, задаецца пытаннем выданне BG.Media.
![](http://d3kcf2pe5t7rrb.cloudfront.net/img/w732d4webp1/photos/z_2023_08/pafosnaya-kvartira_brest_1000_kvartiryi-v-mire47-nc7ed.jpg.webp)
Тэатральнасць, пампезнасць, багацце дэкаратыўных элементаў, ляпніна і пазалота. Менавіта такія асацыяцыі ўзнікаюць пры праглядзе фатаграфій кватэры за $1000 на месяц. У пераліку на беларускія — гэта 3193 BYN. Гаспадары пішуць, што гатовыя здаваць гэты амаль французскі будуар на працяглы час. Але, мяркуючы з даты аб'явы, заможных знаўцаў барока ў Брэсце дагэтуль не знайшлося.
![](http://d3kcf2pe5t7rrb.cloudfront.net/img/w732d4webp1/photos/z_2023_08/pafosnaya-kvartira_brest_1000_kvartiryi-v-mire48-a8xiu.jpeg.webp)
Двухпакаёвая кватэра ў Брэсце размешчаная ў доме па вуліцы 17-га верасня. Як пішуць у аб'яве, апартаменты цалкам мэбляваныя, абсталяваныя нямецкай сантэхнікай, убудаванай бытавой тэхнікай брэндавых вытворцаў.
![](http://d3kcf2pe5t7rrb.cloudfront.net/img/w732d4webp1/photos/z_2023_08/pafosnaya-kvartira_brest_1000_kvartiryi-v-mire46-27aob.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire64-g62nd.jpg.webp)
За такія грошы гаспадары не гатовыя пускаць жыхароў з хатнімі жывёламі.
З бытавой тэхнікай усе штатна: халадзільнік, мікрахвалёўка, пральная машына, тэлевізар, кандыцыянер і г. д. Большасць з пералічанага можна знайсці і ў іншых кватэрах. Але куды танней.
Што за такія грошы можна зняць у іншых краінах свету?
Годных альтэрнатыў знайшлося вельмі шмат пры пошуку варыянтаў на сайце Airbnb.com.
Напрыклад, усяго за 786 даляраў на месяц можна спакойна жыць у раскошных апартаментах з відам на акіян у Тайландзе. Гаворка пра самы высокі з кандамініумаў на беразе мора ў Тайландзе ў 59 паверхаў з басейнамі і шыкоўным відам.
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire66-f75ll.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire51-uxlk3.jpeg.webp)
Калі любіце эстэтыку мегаполісаў, сардэчна запрашаем у стыльны нумар малазійскага гатэля ў самым сэрцы Куала-Лумпура. Ён вядомы сваім панарамным басейнам на даху з відам на горад. Цана пытання — 737 даляраў на месяц.
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire53-o2xse.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire54-2aus4.jpeg.webp)
Але не адзінай экзотыкай, як той казаў. Напрыклад, усяго за 761 даляр можна цэлы месяц жыць у Францыі ля падножжа схілаў з відам на Пірэнейскія горы.
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire62-152ui.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire46-dq82v.jpeg.webp)
Калі цікавіцеся гісторыяй, то ёсць маса варыянтаў. Напрыклад, можна пажыць месяц у італьянскай кватэры, якая знаходзіцца ў будынку былога кінатэатра «Мадэрнісіма». У гонар яго кватэра атрымала назву Alloggio Attori (акцёрская кватэра).
Новую мэблю спецыяльна праектавалі так, каб захаваць першапачатковы дух 1960-х гадоў. Каля дома ёсць маляўнічы сад. Жыллё знаходзіцца ў вёсцы Умбрыі, якая мяжуе з Лацыё і Тасканай. Каштуе такая рэдкая знаходка 668 даляраў на месяц.
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire56-t0aox.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire67-avd1r.jpeg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire48-8h83f.jpeg.webp)
Знаўцам усяго незвычайнага прыйдзецца па душы дом у стылі Антоніа Гаўдзі ў Бразіліі. Гаворка пра дом, які, здаецца, левітуе ў гарах дзякуючы шкляным сценам, якія дазваляюць атрымліваць асалоду ад панарамнага віду. Пажыць месяц у такім своеасаблівым жыллі абыдзецца ў 668 даляраў на месяц.
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire49-2zwtw.jpeg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire81-t7xi7.jpeg.webp)
Калі папярэдні дом вам здаўся зусім звычайным, то можна прыгледзецца да… пячоры ў Іспаніі. Яна размешчаная на паўднёва-ўсходнім баку краіну, каля вёскі Екла. Месячная арэнда такога жылля абыдзецца ўсяго ў 882 даляры.
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire58-ypp3k.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire59-3ernz.jpeg.webp)
Нарэшце, ёсць ідэальнае месца для падарожнікаў, якія цэняць дызайн. Гаворка пра цэлую рэзідэнцыю ў ПАР. Такое жыллё абыйдзецца ў 821 даляр за месяц.
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire70-n2j2i.jpeg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire68-luwqf.jpeg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_08/kvartira_brest_1000_kvartiryi-v-mire60-ta2e9.jpeg.webp)
Гродзенцы ад світанку выстройваюцца ў чэргі, каб набыць новыя кватэры ад дзяржзабудоўшчыка. У чым прычына?
«Аднапакаёвыя кватэры тут каштуюць ад 380 еўра». Беларус пераехаў у Аўстрыю і расказвае, колькі каштуе там жыць
Рамонт у стылі «барока», два ўзроўні і закрытыя двары. Якія кватэры прадаюць у Новай Баравой
«Тут ёсць увогуле ўсё — і наогул нічога не трэба». Беларуска пераехала ў Тайланд і расказвае, як казачна там жывецца
Каментары