ААН уражаная дасягненнямі Беларусі ва ўстойлівым развіцці і хоча бачыць Лукашэнку на саміце ў Нью-Ёрку
Генеральны сакратар ААН Антоніу Гутэрыш збіраецца запрасіць Аляксандра Лукашэнку на саміт па Мэтах устойлівага развіцця ў Нью-Ёрку, які павінен адбыцца ў верасні. Пра гэта заявіла рэгіянальная дырэктарка па Еўропе і Цэнтральнай Азіі Упраўлення ААН па каардынацыі дзейнасці ў мэтах развіцця Гві Ёп Сон.
«Ён будзе арганізаваны генеральным сакратаром ААН. Ужо вядома, што туды будзе запрошаны кіраўнік дзяржавы», — заявіла прадстаўніца ААН падчас сваёй сустрэчы ў Мінску з намеснікам старшыні Савета Рэспублікі Валерыем Бельскім, паведаміла лукашэнкаўская газета «СБ-Беларусь сегодня».
Па словах міжнароднай чыноўніцы, у лісце-запрашэнні на імя Лукашэнкі пазначаныя дзве просьбы з боку генеральнага сакратара ААН:
«Просьба аб тым, каб дзяржавы — члены ААН рабілі ўсё неабходнае па паскарэнні дасягненняў Мэт устойлівага развіцця.
А таксама пра тое, каб гэтая праца праводзілася з улікам удзелу прадстаўнікоў грамадзянскай супольнасці, прыватнага сектара і ўрада. Мы гатовыя ўсяляк падтрымаць Рэспубліку Беларусь у гэтым», — запэўніла яна.
Таксама Гві Ёп Сон сустрэлася са старшынёй Белстата і была рада пачуць пра «надзвычайны прагрэс, які быў дасягнуты Рэспублікай Беларусь на розных франтах».
На яе думку, тое, якіх поспехаў дасягнула Беларусь у дасягненні Мэтаў устойлівага развіцця — «выдатны прыклад таго, як можа працаваць краіна. Я лічу, што гэты вопыт можна выкарыстоўваць у якасці перадавога сярод іншых краін Еўропы».
І заклікала лукашэнкаўскую Беларусь быць больш амбіцыйнай.
Дзмітрыеў просіць вярнуць паслоў у Мінск. «Санкцыі б’юць па людзях, а не па ўладзе»5
Дзмітрыеў просіць вярнуць паслоў у Мінск. «Санкцыі б’юць па людзях, а не па ўладзе»
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі99
Каментары