Каханне і сэкс88

Пяць моў кахання. Якая вашая?

Здараецца, што адносіны перажываюць крызіс, нягледзячы на тое, што блізкія людзі не перастаюць гаварыць пра свае пачуцці і выражаць іх. Магчыма, прычына ў тым, што яны размаўляюць на розных мовах кахання. Лічыцца, што іх у нас пяць.

Закаханыя
У адносінах важна размаўляць на адной мове кахання. Фота: vecteezy.com

Упершыню канцэпцыю пяці моў кахання прапанаваў амерыканскі сямейны псіхатэрапеўт Гэры Чэпмен (Gary Chapman). У яго інтэрпрэтацыі так званыя мовы — гэта словы, праведзены разам час, падарункі, праявы клопату, фізічныя дотыкі.

Кожны чалавек звычайна карыстаецца толькі дзвюма мовамі. І яны не заўсёды супадаюць з мовай, якой карыстаецца блізкі чалавек. Таму, каб выйсці з крызісу адносін, магчыма, трэба асвоіць іншыя мовы.

Словы

Чалавек, у якога дамінуе такі спосаб праявы пачуццяў, шукае сувязь на вербальным узроўні. Яму таксама важна пачуць ад партнёра словы заахвочвання і пахвалы. Пахвала і падтрымка дапамагаюць партнёру адчуць сваю значнасць. Яны збліжаюць, загойваюць раны і дазваляюць сумесна дабіцца чагосьці ў жыцці.

Важна ўмець захапляцца не толькі вынікамі, але і верыць у магчымасці блізкага вам чалавека. Кажыце пра добрыя якасці, а не пра недахопы, тады дзеля вас зрушаць горы.

Якасна праведзены разам час

Псіхолаг заўважае, што многім з нашых блізкіх замест слоў і падарункаў неабходна быць побач, сумесна бавіць час за гульнямі, праглядам кіно, прагулкамі ці паездкамі. Важна, каб разам праведзены час быў эфектыўным.

Калі вы праводзіце час разам, то павінны аддаваць усю ўвагу партнёру, размаўляць, засяродзіўшыся на суразмоўцы, а не ствараць ілюзію сумеснага баўлення часу.

Падарункі

Для некаторых людзей важная памяць, якую каханы паказвае праз падарункі — матэрыяльныя ці нематэрыяльныя. Аднак рэч тут не ў тым, што чалавек — матэрыяліст, а ў праяве пачуццяў. Важна не тое, колькі каштуе падарунак, а сам жэст, увага. Вы шукалі падарунак — такім чынам падумалі пра чалавека і патрацілі на яго свой час.

Людзі, якія размаўляюць на мове падарункаў, чакаюць іх не толькі на святы, таму старайцеся дарыць невялікія прэзенты часцей.

Клопат

Некаторыя людзі вельмі цэняць маленькія паслугі, якія ім робяць. Менавіта яны мараць пра каву ў ложак ці памыты посуд пасля вячэры. Мова клопату важная для тых, хто лічыць, што дзеянні больш важныя за словы.

Таму не лянуйцеся і не крыўдуйце, калі вас часам папросяць забраць з працы, пагуляць з сабакам ці прыбраць у кватэры.

Дотыкі

Ёсць людзі, для якіх адзіным спосабам адчуць, што іх кахаюць, з'яўляюцца дотыкі. Такім людзям вельмі важна трымацца за рукі, каб іх пастаянна абдымалі, цалавалі, бо тактыльныя рэцэптары ў іх зʼяўляюцца вызначальнымі. Ім важна адчуваць фізічную блізкасць. Галоўнае для іх — фізічна адчуваць вашу прысутнасць побач. І не трэба ніякіх слоў.

Псіхолаг раіць для таго, каб вызначыць, якой мове кахання аддае перавагу ваш блізкі чалавек, больш прыслухоўвацца да таго, што ён гаворыць, звяртаць увагу на пажаданні, якія ён выказвае. Тое, што вам можа падацца проста дзіўным жаданнем, для вашага партнёра будзе вельмі важным. Часам для таго, каб выратаваць адносіны, дастаткова зразумець, што важна для вашага партнёра.

Зразумела, што са сваім каханым вы павіны весці дыялог. Калі вы нечым не задаволеныя, спакойна і дакладна дайце зразумець, чаго вы хочаце. Памятайце, што мала хто можа здагадацца, чаго вы жадаеце, калі вы будзеце маўчаць. Гаварыце пра свае жаданні і заўсёды мякка папярэджвайце аб тым, што вам не падабаецца.

Адкрыты і шчыры дыялог дазволіць вызначыць, якой мове кахання аддае перавагу кожны з вас, і дамовіцца, як скарэктаваць паводзіны.

Чытайце яшчэ:

Гасцявы шлюб і шматмужняя жонка: дзіўныя сямейныя адносіны

«Сэкс — гэта добра, але ў кадл-паці іншы настрой». У Мінску пачынаюць праводзіць кантактныя вечарынкі, на якіх можна толькі абдымацца

Калі гаворка пра шлюб і грошы, то супрацьлегласці прыцягваюцца

Каментары8

  • мрыя олесникова
    13.05.2023
    мая такая -
    nashaniva.com/316642
  • відьма
    13.05.2023
    , як скарэктаваць паводзіны.

    дзіны..дзіны..дзіны (рэха)

    спадзяюся, зразумелі ўжо, што
    ніяк .
  • Казік
    14.05.2023
    Хто сапраўды любіць каву ў ложак? Ці сустракалі вы такіх? Мне падаецца, гэта рэкламны міф

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў2

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

Усе навіны →
Усе навіны

Украіна спяшаецца стварыць ваенныя беспілотнікі са штучным інтэлектам1

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам7

30-хвілінны марынад для простага курынага шашлыка6

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе3

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай17

больш чытаных навін
больш лайканых навін

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў2

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў

Галоўнае
Усе навіны →