Piać moŭ kachańnia. Jakaja vašaja?

Upieršyniu kancepcyju piaci moŭ kachańnia prapanavaŭ amierykanski siamiejny psichaterapieŭt Hery Čepmien (Gary Chapman). U jaho interpretacyi tak zvanyja movy — heta słovy, praviedzieny razam čas, padarunki, prajavy kłopatu, fizičnyja dotyki.

Kožny čałaviek zvyčajna karystajecca tolki dźviuma movami. I jany nie zaŭsiody supadajuć z movaj, jakoj karystajecca blizki čałaviek. Tamu, kab vyjści z kryzisu adnosin, mahčyma, treba asvoić inšyja movy.

Słovy

Čałaviek, u jakoha daminuje taki sposab prajavy pačućciaŭ, šukaje suviaź na vierbalnym uzroŭni. Jamu taksama važna pačuć ad partniora słovy zaachvočvańnia i pachvały. Pachvała i padtrymka dapamahajuć partnioru adčuć svaju značnaść. Jany zbližajuć, zahojvajuć rany i dazvalajuć sumiesna dabicca čahości ŭ žyćci.

Važna ŭmieć zachaplacca nie tolki vynikami, ale i vieryć u mahčymaści blizkaha vam čałavieka. Kažycie pra dobryja jakaści, a nie pra niedachopy, tady dziela vas zrušać hory.

Jakasna praviedzieny razam čas

Psichołah zaŭvažaje, što mnohim z našych blizkich zamiest słoŭ i padarunkaŭ nieabchodna być pobač, sumiesna bavić čas za hulniami, prahladam kino, prahułkami ci pajezdkami. Važna, kab razam praviedzieny čas byŭ efiektyŭnym.

Kali vy pravodzicie čas razam, to pavinny addavać usiu ŭvahu partnioru, razmaŭlać, zasiarodziŭšysia na surazmoŭcy, a nie stvarać iluziju sumiesnaha baŭleńnia času.

Padarunki

Dla niekatorych ludziej važnaja pamiać, jakuju kachany pakazvaje praz padarunki — materyjalnyja ci niemateryjalnyja. Adnak reč tut nie ŭ tym, što čałaviek — materyjalist, a ŭ prajavie pačućciaŭ. Važna nie toje, kolki kaštuje padarunak, a sam žest, uvaha. Vy šukali padarunak — takim čynam padumali pra čałavieka i patracili na jaho svoj čas.

Ludzi, jakija razmaŭlajuć na movie padarunkaŭ, čakajuć ich nie tolki na śviaty, tamu starajciesia daryć nievialikija prezienty čaściej.

Kłopat

Niekatoryja ludzi vielmi ceniać maleńkija pasłuhi, jakija im robiać. Mienavita jany marać pra kavu ŭ łožak ci pamyty posud paśla viačery. Mova kłopatu važnaja dla tych, chto ličyć, što dziejańni bolš važnyja za słovy.

Tamu nie lanujciesia i nie kryŭdujcie, kali vas časam paprosiać zabrać z pracy, pahulać z sabakam ci prybrać u kvatery.

Dotyki

Jość ludzi, dla jakich adzinym sposabam adčuć, što ich kachajuć, źjaŭlajucca dotyki. Takim ludziam vielmi važna trymacca za ruki, kab ich pastajanna abdymali, całavali, bo taktylnyja receptary ŭ ich zjaŭlajucca vyznačalnymi. Im važna adčuvać fizičnuju blizkaść. Hałoŭnaje dla ich — fizična adčuvać vašu prysutnaść pobač. I nie treba nijakich słoŭ.

Psichołah raić dla taho, kab vyznačyć, jakoj movie kachańnia addaje pieravahu vaš blizki čałaviek, bolš prysłuchoŭvacca da taho, što jon havoryć, źviartać uvahu na pažadańni, jakija jon vykazvaje. Toje, što vam moža padacca prosta dziŭnym žadańniem, dla vašaha partniora budzie vielmi važnym. Časam dla taho, kab vyratavać adnosiny, dastatkova zrazumieć, što važna dla vašaha partniora.

Zrazumieła, što sa svaim kachanym vy paviny vieści dyjałoh. Kali vy niečym nie zadavolenyja, spakojna i dakładna dajcie zrazumieć, čaho vy chočacie. Pamiatajcie, što mała chto moža zdahadacca, čaho vy žadajecie, kali vy budziecie maŭčać. Havarycie pra svaje žadańni i zaŭsiody miakka papiaredžvajcie ab tym, što vam nie padabajecca.

Adkryty i ščyry dyjałoh dazvolić vyznačyć, jakoj movie kachańnia addaje pieravahu kožny z vas, i damovicca, jak skarektavać pavodziny.

Čytajcie jašče:

Haściavy šlub i šmatmužniaja žonka: dziŭnyja siamiejnyja adnosiny

«Seks — heta dobra, ale ŭ kadł-paci inšy nastroj». U Minsku pačynajuć pravodzić kantaktnyja viečarynki, na jakich možna tolki abdymacca

Kali havorka pra šlub i hrošy, to supraćlehłaści pryciahvajucca

• 23
• 0
• 5
• 2
• 5