На поўначы Беларусі было сёння ноччу мінус 5°С, у Мінску — мінус 3,5°С
Вось такі пачатак мая.
Амаль мінус 5°С на поўначы Беларусі і мінус 3,5°С у Мінску, паведамляе тэлеграм-канал «Надвор'е».
Наступныя дні радасці таксама не прынясуць, з сумам паведамляе Белгідрамет.
7 мая надвор'е будзе вызначаць халодны антыцыклон з цэнтрам над Эстоніяй, толькі па крайнім паўднёвым захадзе краіны адаб'ецца ўплыў атмасфернага фронту. Прагназуецца без ападкаў, толькі ў ваколіцах Брэста пройдуць дажджы.
Уначы на большай частцы тэрыторыі краіны будуць адзначацца замаразкі 0..-5°С, толькі ў ваколіцах Брэста + 1..+ 5°C; днём будзе +9..+15°С. У Мінску ноччу да мінус 3°С, удзень максімальна +12°С.
І 8—9 мая надвор'е будзе вызначаць халодны скандынаўскі антыцыклон, але цэнтр яго перамесціцца з поўначы Балтыйскага мора на Смаленскую вобласць.
Уначы 8 мая замаразкі да мінус 5°С, днём + 11..+17°С.
9 мая будзе без ападкаў. Замаразкі ўжо меншыя, да мінус 3°С, днём ужо цяплей да + 13..+18°С.
У другой палове тыдня стане цяплей. Ад пятніцы ў Мінску прагназуецца +18°С.
Дзмітрыеў просіць вярнуць паслоў у Мінск. «Санкцыі б’юць па людзях, а не па ўладзе»5
Дзмітрыеў просіць вярнуць паслоў у Мінск. «Санкцыі б’юць па людзях, а не па ўладзе»
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі99
Каментары