Мастака Генадзя Драздова абвінавачваюць у «садзейнічанні экстрэмісцкай дзейнасці»
Генадзя Драздова затрымалі ў мінулым жніўні.
![](http://d3kcf2pe5t7rrb.cloudfront.net/img/w732d4webp1/photos/z_2023_04/drazdou-rbhnp-21su8.jpg.webp)
Генадзь Драздоў. Фота: «Радыё Свабода»
Мастака і былога кіраўніка творчай суполкі «Пагоня» затрымалі ў сярэдзіне жніўня. Суд прызначыў яму 15 сутак арышту, але на волю ён так і не выйшаў. Адразу паведамлялася, што супраць Генадзя заведзеная крымінальная справа за «актыўны ўдзел у акцыях пратэсту» ў 2020 годзе (арт. 342 КК).
Цяпер стала вядома, што яго таксама вінавацяць у «садзейнічанні экстрэмісцкай дзейнасці» (ч. 1 арт. 361-4 КК), паведамляе «Вясна».
Суд над ім адбудзецца 2 мая ў Мінгарсудзе. Справу будзе разглядаць суддзя Яўген Пісарэвіч.
Падтрымайце палітвязня: СІЗА-1. 220030, г. Мінск, вул. Валадарскага, 2, Генадзь Пятровіч Драздоў.
Каментары