Сілавікі затрымалі адміністратара канала Anonymous Russia, які ўваходзіць у сетку Killnet. Расійскія хакеры пагражаюць беларускім спецслужбам
«Не адпусцяць Raty — Беларусі п***а». Расійскія хакеры далі лукашэнкаўскім спецслужбам час да раніцы.
![](http://d3kcf2pe5t7rrb.cloudfront.net/img/w840d4webp1/photos/z_2023_04/photo_2023-04-152155101111-555j6.jpeg.webp)
Сёння на каналах, звязаных з сеткай прарасійскіх хакераў Killnet, з'явілася паведамленне пра затрыманне лукашэнкаўскімі спецслужбамі адміністратара канала Anonymous Russia па мянушцы Mr. Raty.
Канал — цалкам прарасійскі і прапуцінскі. У ім шмат рэпостаў прамоў прэзідэнта Расіі і допісаў прарасійскай сеткі Killnet, якая атакавала шматлікія цэлі ў Еўропе і ЗША. Асоба самога Raty невядомая.
Пасля затрымання Raty сетка прарасійскіх хакераў пачала пагражаць лукашэнкаўскім спецслужбам. «Рэспубліка Беларусь — у чорным спісе», — напісаў у сваім тэлеграм-канале Killmilk, заснавальнік групы Killnet.
![](http://d3kcf2pe5t7rrb.cloudfront.net/img/w732d4webp1/photos/z_2023_04/screenshot2023-04-15at2204022-r7uot.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_04/screenshot2023-04-15at2203221-ptvx7.jpg.webp)
Адведзены хакерамі час заканчваецца каля сёмай раніцы па Мінску. Калі пасля гэтага Raty не выпусцяць, то яны абяцаюць атакаваць інфраструктуру беларускіх уладаў.
Абноўлена. Пазней расійскія хакеры выдалілі пагрозы ў адрас беларускіх улад, які размясцілі, даведаўшыся пра затрыманне паплечніка.
«Наша Нiва» — бастыён беларушчыны
ПАДТРЫМАЦЬ
Каментары