«Дэманстраваў пратэсны сімвал указальным і сярэднім пальцамі рук». Мінчука асудзілі за ўдзел у пратэстах
У судзе Ленінскага раёна 27 лютага асудзілі Уладзіміра Веразубава паводле ч. 1 арт. 342. Суддзя Юлія Шчоткіна прызначыла яму тры гады «хіміі», піша «Вясна».
Фота ілюстрацыйнае. Spring96.org
Уладзіміра абвінавацілі ва ўдзеле ў акцыях пратэсту ў Мінску ў 2020 годзе і перакрыцці руху грамадскага транспарту. Таксама мужчыну паставілі ў віну выкарыстанне бела-чырвона-белай стужкі і жэста перамогі. Уладзіміра апазналі па фотаздымках, якія ён рабіў на акцыі пратэсту і затым апублікаваў на сваёй старонцы ва ўкантакце.
Мужчына цалкам прызнаў віну.
Намеснік пракурора Ленінскага раёна Мінска заявіў іск аб спагнанні з Веразубава на карысць Мінсктранса маёмаснай шкоды памерам 86515 рублёў. Іск будзе разглядацца ў парадку грамадзянскай вытворчасці.
Дзяніс Мельянцоў і яго рэалпалітык: ён сапраўды памяняў погляды ці проста раней маскіраваўся?47
Каментары