Брыгада Чарнігаўскай тэрабароны апазнала ў рэзанансным відэа свайго байца — яго расстралялі пасля слоў «Слава Украіне!»
У 119-й брыгадзе тэраабароны Чарнігаўскай вобласці лічаць, што палонным украінскім байцом, якога расстралялі расіяне пасля слоў «Слава Украіне», быў салдат гэтай брыгады Аляксандр Маціеўскі. Раней паведамлялася, што на кадрах іншы чалавек.
![](http://d3kcf2pe5t7rrb.cloudfront.net/img/w732d4webp1/photos/z_2023_03/-1mevm.jpg.webp)
Вайскоўцы паведамляюць, што 30 снежня ў наваколлях Салядара Маціеўскі і яшчэ чацвёра вайскоўцаў прынялі сустрэчны бой. У той жа дзень сувязь з імі знікла. Падмацаванне не змагло прарвацца да месца іх пазіцыі з-за бесперапыннага мінамётнага абстрэлу і шчыльнага агню.
На распаўсюджаным відэа Маціеўскага пазнала маці, яго сын Міхаіл і вайскоўцы яго падраздзялення.
29 снежня Маціеўскі апошні раз патэлефанаваў маці. У той размове ён сказаў ёй, што «ніколі не здасца ў палон».
Целы абаронцаў, якія загінулі ў тым баі, былі перададзеныя ўкраінскаму боку і 14 лютага 2023 года вайскоўца пахавалі ў Нежыне Чарнігаўскай вобласці.
Яму было 42 гады.
Раней ва УСУ паведамлялі, што на відэа вайсковец 30-й механізаванай брыгады Цімафей Шадура.
Каментары