Самалёт у Мачулішчах атакавалі двума дронамі беларусы, удзельнікі плана «Перамога» — Азараў
Кіраўнік аб’яднання Bypol Аляксандр Азараў паведаміў «Белсату», што расійскі самалёт А-50 у Мачулішчах атакавалі з паветра. Напад з дапамогай дронаў учынілі ўдзельнікі плана «Перамога», яны цяпер у бяспецы.
Раней Азараў пацвердзіў «Нашай Ніве», што дыверсію ўчынілі беларусы.
«Гэта былі дроны. Удзельнікі аперацыі цяпер ужо ў бяспецы за межамі краіны. Усе выехалі, хай цяпер шукаюць ветру ў полі», — сказаў Азараў «Белсату».
Ён паведаміў, што аперацыю рыхтавалі некалькі месяцаў.
Інфармацыю пра два дроны пацвярджае і «Беларускі Гаюн». Канал таксама дадае, што сілавікі Лукашэнкі знайшлі сумку з пультамі кіравання дронамі.
Нагадаем, ранкам каля 9-й раніцы на аэрадроме былі чутныя два выбухі. Паведамлялася, што пацярпеў вельмі каштоўны расійскі самалёт дальняй разведкі ДРЛВ А-50, ён быў падарваны ў двух месцах. Усяго такіх самалётаў у Расіі, сапраўдных і няспраўных, дзевяць. Ён выкарыстоўваўся для навядзення расійскіх ракет на цэлі ва Украіне.
Чытайце падрабязней:
«Байпол»: Самалёт ДРЛВ А-50 быў падарваны ў двух месцах, яны паказаныя на фота
Гаюн: На аэрадроме Мачулішчы мог быць пашкоджаны мегакаштоўны расійскі самалёт А-50. З чата Мачулішчаў выдалілі ўсе паведамленні
Экс-кандыдатку ў прэзідэнты Таццяну Караткевіч пасадзілі на 15 сутак16
Экс-кандыдатку ў прэзідэнты Таццяну Караткевіч пасадзілі на 15 сутак
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі99
Каментары