Грамадства33

ААН і Бразілія праз Партугалію лабіруюць вывад Гуцэрыева і Галаватага з-пад санкцый

Як стала вядома «Нашай Ніве» з дыпламатычных крыніц, Бразілія з шэрагам афрыканскіх краін пры падтрымцы некаторых краін ЕС лабіруюць вывад з-пад санкцый асоб, якія кантралююць здабычу калію. Аргумент — «прадуктовая бяспека». 

Міхаіл Гуцэрыеў і Аляксандр Лукашэнка (справа). Фота БелТА

У Еўрасаюзе абмяркоўваецца новы санкцыйны пакет супраць рэжыму Лукашэнкі.

І хоць пакет мае на мэце зрабіць больш жорсткімі эканамічныя ўмовы існавання лукашызму праз сінхранізацыю санкцый з расійскімі, некаторыя краіны ўгледзелі ў самой дыскусіі аб сінхранізацыі магчымасць пралабіраваць свае эгаістычныя інтарэсы. 

Рэч у тым, што, хаця многія сферы ў антыпуцінскіх санкцыях і пакрытыя болей, але экспарт калійных і азотных угнаенняў з Расіі не забаронены. 

«Пад гэтую марку ад Арганізацыі Аб'яднаных Нацый сыходзіць думка, што, калі сінхранізацыя, то трэба дазволіць прадаваць і беларускі калій. Лабіруюць гэтую тэму Бразілія і некаторыя краіны Афрыкі, некаторыя краіны ЕС згодныя на гэта. Напрыклад, Партугалія і Іспанія, якія маюць традыцыйна цесныя сувязі з той самай Бразіліяй і іншымі краінамі Лацінскай Амерыкі», — паведаміла «Нашай Ніве» абазнаная дыпламатычная крыніца. 

Як прапануецца гэта рэалізоўваць? 

Прапануецца варыянт, пры якім асобы, звязаныя з калійнай галіной, атрымаюць свайго роду «адтэрміноўку» ад рэалізацыі санкцый. 

ААН прасоўвае кандыдатуры расійскага мільярдэра Міхаіла Гуцэрыева і гендырэктара «Белкалія» Івана Галаватага. Абодвух «пусціў» у калійную сферу асабіста Аляксандр Лукашэнка.

«Маецца на ўвазе, што яны па-ранейшаму не змогуць прадаваць нічога ў ЕС ці ЗША, але змогуць карыстацца тэрыторыяй гэтых юрысдыкцый для транзіту грузаў, атрымаюць магчымасць размарозіць банкаўскія рахункі і гэтак далей. Для таго, каб пастаўляць прадукцыю туды, дзе нібыта ёсць нейкія праблемы з харчовай бяспекай. Рэзка супраць гэтага выступаюць Польшча і Літва, праз якіх, відавочна, і мае праходзіць гэты транзіт. Гэта абнуліць усю ранейшую санкцыйную работу. Суседзі Беларусі маюць намер блакаваць гэтую прапанову», — дадаў наш суразмоўца. 

Пра тое, што ёсць спрэчкі па каліі, паведамлялася ў пачатку лютага. Палітык Павел Латушка тады каментаваў, што прыхільнікі санкцыйных саступак абгрунтоўваюць гэта праблемай харчавання ў свеце.

На гэты момант усе пастаўкі калійных угнаенняў з Беларусі праз еўрапейскія парты спыненыя.

Беларускія ўгнаенні прадаюцца праз Расію пад выглядам расійскіх, а таксама кантрабандай трапляюць на рынкі ЕС, але аб'ёмы значна меншыя за тыя, што былі да санкцый. 

Продаж калію — стратэгічная ніша для рэжыму Лукашэнкі і амаль адзіная пазіцыя санкцый, якую на сёння немагчыма абысці. 

На пачатку 2022-га, неўзабаве пасля нападу на Украіну, тагачасны бразільскі прэзідэнт Жаір Балсанару здзейсніў візіт у Расію і паціснуў руку Пуціну. 

А нядаўна абраны бразільскі прэзідэнт Лула да Сілва працягнуў лінію папярэдніка адносна ўкраінскага пытання.

Падчас візіту Олафа Шольца ў Бразілію ў студзені 2023-га да Сілва адказаў адмовай на заклік нямецкага канцлера паставіць Украіне еўрапейскую зброю, якая ёсць у Бразіліі. Больш за тое, да Сілва выказаўся, што «свет мае мала інфармацыі аб прыродзе канфлікту». 

Хоць Бразілія і з'яўляецца вялікай эканомікай і дэмакратыяй, гэтай краінай, як і многімі ў Лацінскай Амерыцы, кіруюць папулісты, а ўзровень карупцыі ў краіне застаецца высокі. 

Чаму для Бразіліі важныя калійныя ўгнаенні? Бразілія — вялікі вытворца соевых бабоў, якія, у асноўным, ідуць на корм жывёле. 80% бразільскага ўраджаю выкупляе Кітай, рэшту — еўрапейскія краіны, у асноўным Іспанія. Калійныя ўгнаенні ўплываюць на ўраджайнасць і прыбыткі бразільскіх кампаній. 

«Наша Нiва» — бастыён беларушчыны

ПАДТРЫМАЦЬ

Чытайце таксама:

Чаму мог падвіснуць пакет санкцый супраць Беларусі?

Каментары3

  • Засветили и подсветили
    22.02.2023
    Гутериешь = гуцериев......
    Засветили всех, кто сидит на схематозе белкалия....
    Пора упразднять ООН, или, как минимум, гнать в шею Гутериуша из ООН, а Россию из СОВБЕЗА ООН....
    Ну да, украинцев же убивает Россия в Украине, а не в стенах ООН....
  • Виктория
    22.02.2023
    ООН уже окончательно превратилась в ветвь власти обслуживающую руснявых террористов.
    Пора закрывать и разгонять этих крыс и мышей, а создать действительно демократическую организацию ориентированную на ЧЕЛОВЕКА а не олигархов.
  • Олег
    22.02.2023
    [Рэд. выдалена]

Работніцы суда пагражае да 12 гадоў за «заклікі да санкцый і абразу Лукашэнкі»3

Работніцы суда пагражае да 12 гадоў за «заклікі да санкцый і абразу Лукашэнкі»

Усе навіны →
Усе навіны

Гэты карлікавы кот з сарамлівым выглядам стаў новай зоркай сацсетак5

У гатэлі Бангкока знойдзены мёртвымі шэсць грамадзян В'етнама1

Названы свежы медыянны заробак. І ён намнога меншы за сярэдні

Высветлілася, што пад Масквой патануў кіраўнік дэлегацыі вайскоўцаў КНДР

Рабочаму з Баранавічаў далі год за лайкі пад карыкатурамі на Лукашэнку. Цяпер пагражае яшчэ да 12 гадоў3

Замах на Дональда Трампа планаваў Іран — CNN12

Мінэнерга паведаміла пра аднаўленне электразабеспячэння Мазыра1

Мазырская вертыкальшчыца далажыла пра аднаўленне водазабеспячэння. У каментарах ёй пярэчаць

Ад сёння Літва мае намер увесці абмежаванні на ўезд аўто з беларускімі нумарамі31

больш чытаных навін
больш лайканых навін

Работніцы суда пагражае да 12 гадоў за «заклікі да санкцый і абразу Лукашэнкі»3

Работніцы суда пагражае да 12 гадоў за «заклікі да санкцый і абразу Лукашэнкі»

Галоўнае
Усе навіны →