Грамадства1313

Святлана Ціханоўская ў польскім Сенаце: Нас не задаволяць паўмеры або суцяшальны прыз

Святлана Ціханоўская выступіла з прамовай у Сенаце Польшчы. У ёй яна гаварыла пра мінулыя і сучасныя адносіны польскага і беларускага народаў, пра іх сучасны стан і будучыню вольнай Беларусі ў складзе аб'яднанай Еўропы.

«Народы Польшчы і Беларусі звязаныя супольнай гісторыяй. Нас аб’ядноўваюць Тадэвуш Касцюшка і Кастусь Каліноўскі, Адам Міцкевіч і Уладзіслаў Сыракомля, якому сёлета спаўняецца 200 гадоў. 

Нас аб’ядноўваюць тры гераічныя паўстанні: 1794, 1830 і 1863 гадоў. Нашыя народы поплеч змагаліся за сваю свабоду і дзяржаўнасць.

Гэтыя подзвігі натхняюць беларусаў на барацьбу і сёння — на барацьбу супраць тыранічнага рэжыму Лукашэнкі і імперскай агрэсіі Расіі.

Покліч «За Нашу і Вашу Свабоду» стаў актуальны як ніколі раней. Бо барацьба за свабоду — яна не мае межаў і павінна стаць справай і абавязкам кожнага!» — так пачала асноўную частку сваёй прамовы Святлана Ціханоўская, выказаўшы перад гэтым падзяку польскай уладзе і грамадству за паслядоўную і актыўную падтрымку Беларусі.

Таксама сярод герояў, якія аб'ядноўваюць Беларусь і Польшчу, Ціханоўская згадала журналіста і дзеяча польскай меншасці ў Беларусі Анджэя Пачобута, якому акурат сёння лукашэнкаўскі суд вынес прысуд — 8 гадоў калоніі ўзмоцненага рэжыму. Таксама яна звярнула ўвагу на тыя антыпольскія дзеянні, якія апошнім часам зрабіў рэжым, і адзначыла, што «важна, калі Польшча паказвае прыклад паважлівага стаўлення да ідэнтычнасці беларускай меншасці на Падляшшы. Гэтаксама — калі тыя беларусы, што нядаўна апынуліся ў Польшчы як уцекачы, адчуваюць з боку польскай дзяржавы дапамогу і разуменне».

Пасля таго Ціханоўская запэўніла, што

«свабодная Беларусь будзе саюзнікам і сябрам для Польшчы. Свабодная Беларусь будзе гарантам бяспекі не толькі ў рэгіёне, але і ўва ўсёй Еўропе. Свабодная Беларусь будзе наймацнейшай санкцыяй супраць Пуціна і найлепшай дапамогай Украіне».

У сувязі з гэтым яна заклікала польскіх і ўвогуле заходніх палітыкаў не ўспрымаць беларускае пытанне як другаснае і вырашаць яго сумесна з украінскім, не здымаць яго з парадку дня:

«Але я часта чую ад заходніх палітыкаў: цяпер не час. Спачатку вырашым пытанне з Расіяй і Украінай, а потым будзем вырашаць пытанне Беларусі. У іх словах я чую стомленасць, і не толькі ад Беларусі, але нават і ад Украіны. Так не павінна быць. Беларусь — частка праблемы, але і частка яе вырашэння. І вырашаць яе трэба ў комплексе.

Я веру, што перамены ў Беларусі могуць пачацца нашмат раней, чым многім здаецца. Рэжым не адчувае сябе ўпэўнена і паводзіць сябе так, нібыта сотні тысяч людзей усё яшчэ пратэстуюць пад прэзідэнцкім палацам. Але, акрамя рэпрэсій, яму няма чаго прапанаваць беларусам. Лукашэнкаўскі рэжым — палітычны банкрут, а ўлада яго трымаецца выключна на падтрымцы Пуціна. Чым слабейшы Пуцін — тым слабейшы будзе Лукашэнка і наадварот».

Адпаведна Ціханоўская заклікала захоўваць паслядоўнасць ды рашучасць і дапамагаць беларусам у пабудове свабоднай Беларусі. Для гэтага вельмі важная яе суб'ектнасць, прадстаўленасць на міжнародных форумах і пляцоўках, парламенцкіх асамблеях Рады Еўропы і АБСЕ, на ўсіх сустрэчах Люблінскага трохкутніка.

«Беларусь павінна мець еўрапейскую перспектыву: гэта тая супольнасць, да якой мы гістарычна належым. Для беларусаў важна чуць, што іх барацьба — не марная, што іх чуюць і іх чакаюць у Еўропе»,

— падкрэсліла Ціханоўская і заклікала працягваць падтрымку беларускіх рэпрэсаваных, грамадзянскай супольнасці і СМІ.

«Я ведаю, што мы годна пройдзем свой шлях да свабоды. І мне хочацца верыць, што гэтая бітва з імперыяй стане фінальнай. Мы скончым справу, пачатую паўстанцамі Каліноўскага і Касцюшкі. І станем апошнім пакаленнем, якое жыло пад прыгнётам.

Нас не задаволяць паўмеры або суцяшальны прыз у выглядзе «мірнага неба над галавой», але ў складзе Расіі. Мы больш не павядзёмся на ўгаворы дыктатараў, бо добра вывучылі ўсе ўрокі, якія дала нам гісторыя. І паўтарылі гэтыя ўрокі яшчэ раз у 2020 годзе і ў лютым 2022 года.

Нам не патрэбныя новыя ўрокі і новыя ахвяры. Мне здаецца, іх было дастаткова. Мы павінны разарваць бясконцы ланцуг гвалту. Пакінуць дыктатуры і імперскія авантуры ў далёкім мінулым», — завяршыла сваю прамову Святлана Ціханоўская.

Каментары13

  • **
    08.02.2023
    пазаўчора прызвала рыхтавацца да вайны, а сёння фактычна прызывае Захад бамбіць Беларусь?
  • даведка
    08.02.2023
    Надеюсь, читала без запинок авторский текст Франака.
  • Антон
    08.02.2023
    [Рэд. выдалена]

Дар‘я Лосік выйшла на свабоду па памілаванні8

Дар‘я Лосік выйшла на свабоду па памілаванні

Усе навіны →
Усе навіны

Дзікавіцкі: Каманда «Белсата» амаль не мае ніякага ўплыву на сітуацыю3

Стрыжак тлумачыць, чаму супраць перамоваў з лукашэнкаўцамі і якая яго прапанова1

Сталі вядомыя падрабязнасці сустрэчы Дуды і Сі Цзіньпіна наконт рэжыму Лукашэнкі

На таргах у Мінску даляр з салідным запасам рухнуў да гадавога мініміму1

«Падрыхтоўка да Алімпіяды прайшла не так, як планавала». Ціманоўская расказала, з якім настроем едзе ў Парыж6

Старшыня Генштаба Вялікабрытаніі заявіў, што ёсць толькі тры гады, каб падрыхтавацца да вайны з альянсам дыктатур7

Машыну намесніка начальніка вайсковай часці ўзарвалі ў Маскве. Вайскоўцу адарвала ступні2

У Трампа быў эфектыўны козыр супраць Байдэна. Цяпер ён можа вярнуцца бумерангам 3

«Сімпсаны» яшчэ ў 2000 годзе прадказалі, што Камала Харыс стане прэзідэнтам?2

больш чытаных навін
больш лайканых навін

Дар‘я Лосік выйшла на свабоду па памілаванні8

Дар‘я Лосік выйшла на свабоду па памілаванні

Галоўнае
Усе навіны →