Ірына Абельская таксама была ў Зімбабвэ і сядзела разам з Колем ФОТА
Доктар медыцынскіх навук, галоўная лекарка Рэспубліканскага клінічнага медцэнтра Упраўлення справамі прэзідэнта Ірына Абельская знаходзілася ў складзе беларускай дэлегацыі, якая прыляцела ў Зімбабвэ, піша «Народная воля».
![](http://d3kcf2pe5t7rrb.cloudfront.net/img/w732d4webp1/photos/z_2023_02/izobrazhenie_2023-02-01_142548410-zcblo.png.webp)
Сумеснае фота Ірыны Абельскай і яе магчымага сына Мікалая Лукашэнкі з дзяржаўнага банкета, арганізаванага з нагоды афіцыйнага візіту Аляксандра Лукашэнкі, публікуюць мясцовыя сродкі масавай інфармацыі.
![](http://nnexpictures.fra1.digitaloceanspaces.com/img/w732d4webp1/photos/z_2023_02/irina2-f53zd.jpg.webp)
У зімбабвійскіх сюжэтах навін з'яўляліся і іншыя вядомыя беларускія чыноўнікі: прэс-сакратарка Аляксандра Лукашэнкі Наталля Эйсмант, міністр сельскай гаспадаркі Ігар Брыло, міністр замежных спраў Сяргей Алейнік, міністр падаткаў і збораў Сяргей Налівайка, старшыня Мінгарвыканкама Уладзімір Кухараў і іншыя.
Паведамляецца, што банкет «адбыўся пасля таго, як на працягу дня было падпісана некалькі пагадненняў аб узмацненні эканамічнага супрацоўніцтва… Кіраўнікі дзяржаў паднялі тост за мір, росквіт і моцнае здароўе народаў дзвюх краін».
Каментары