Наталля Хершэ наконт перамоў пра вызваленне палітвязняў: Не думаю, што гэтая ініцыятыва зыходзіць ад саміх палітвязняў
Экс-палітзняволеная Наталля Хершэ правяла за кратамі 17 месяцаў і чатыры разы трымала галадоўку. Але выйшла на волю дзякуючы ўручэнню копій даверчых грамат швейцарскімі дыпламатамі. Што яна думае пра ініцыятыву перамоваў з лукашэнкаўцамі наконт вызвалення палітвязняў?
«Калі я была ў няволі, вядома, я хацела, каб гэта ўсё хутчэй скончылася, але для мяне было важна, як [яно скончыцца]. Пасля года майго зняволення я зразумела, што тэрмін 2,5 года для мяне цалкам рэальны, і я настроіла сябе да гэтага маральна.
Думаю, наўрад ці гэтая ініцыятыва [пра перамовы з рэжымам] зыходзіць ад саміх палітвязняў. Маё сэрца разам з палітвязнямі ў Беларусі, я ведаю, як невыносна цяжка быць там, я ведаю, што ўсе мараць пра дзень заканчэння сваіх пакут, але не любой цаной. Тады сэнс пратэстаў губляецца, і для чаго ўвогуле быў 2020 год?!
Абсалютная падтрымка Украіны ў вайне супраць захопнікаў — гэта самы хуткі і правільны спосаб найхутчэйшага выхаду палітычных зняволеных», — сказала Хершэ «Нашай Ніве».
«З дыктатарамі не дамаўляюцца, з дыктатарамі вядуць барацьбу», — мяркуе Хершэ.
Мэта і задача цывілізаванага грамадства, лічыць былая палітзняволеная, — заставацца ўстойлівымі, нягледзячы на любыя спробы рэжыму знайсці шчыліну, каб палегчыць сваё становішча.
«Наша Нiва» — бастыён беларушчыны
ПАДТРЫМАЦЬ«Пад галаву часам клала абутак, бо не мела ні падушкі, ні матраца». Інтэрв'ю з Наталляй Хершэ — пра калонію, мужа і непахіснасць
«Для вызвалення нашых блізкіх робіцца недастаткова». Родныя палітвязняў і былыя вязні звярнуліся да міжнароднай супольнасці
«Гэта сітуацыя «выбару Сафі». Пасля звароту родных палітвязняў да лідараў свету ў сацсетках пачалася дыскусія
Экс-кандыдатку ў прэзідэнты Таццяну Караткевіч пасадзілі на 15 сутак16
Экс-кандыдатку ў прэзідэнты Таццяну Караткевіч пасадзілі на 15 сутак
«Тое, што хтосьці сядзіць за палітыку, з'яўляецца часткай пейзажу». Беларуска, якая наведала радзіму пасля доўгага перапынку, падзялілася ўражаннямі99
Каментары
Она даже не подписала прошение о помиловании.
Но ведь конкретно по ней,именно договорились и даже прогнулись под власть,
обменявшись вверительными грамотами.