Расійскія праваабаронцы паведамляюць, што іхняя калега Кацярына Яньшына пасля адбыцця на Акрэсціна ў Мінску 15 сутак дэпартаваная з Беларусі.
Цяпер Яньшына знаходзіцца ў Маскве ў аэрапорце, адтуль яна звязалася са сваячкай. Усе яе асабістыя рэчы лукашэнкаўскія сілавікі пакінулі, па яе словах, сабе.
Гэта распаўсюджаная ў Беларусі практыка дэпартацыі замежных грамадзян — амаль усіх арыштантаў адразу пасля вызвалення адвозяць на мяжу ці ў аэрапорт на самалёт.
Раней пра лёс Яньшынай не было звестак. Калегі, што мерыліся сустракаць яе на выхадзе з Акрэсціна, Кацярыны на выхадзе не дачакаліся, а ўцямнай інфармацыі ад рэпрэсіўных структур таксама дабіцца не ўдавалася.
Кацярыну Яньшыну затрымалі 5 студзеня на судзе над праваабаронцамі з «Вясны», на якім яна прысутнічала ў якасці незалежнай назіральніцы. Пасля таго ёй прысудзілі 15 сутак адміністрацыйнага арышту.
Чытайце таксама:
Расійскую праваабаронцу Яньшыну, затрыманую на судзе над «вясноўцамі», не могуць знайсці
На судзе па «справе «Вясны» затрымалі расійскую праваабаронцу
Каментары