Здарэнні11

Жанчына заклала кватэру і залезла ў даўгі, каб аплачваць паслугі анлайн-варажбіткі

Жыхарка Барысава, беспаспяхова шукаючы сабе мужа, вырашыла ўрэшце прычараваць яго з дапамогай варажбіткі. Але гэта была кепская ідэя, піша агенцтва «Мінск-Навіны» на падставе інфармацыі Следчага камітэта.

52-гадовая жыхарка Барысава вельмі хацела знайсці сабе спадарожніка жыцця, але праз сайты знаёмстваў зрабіць гэта ёй не ўдавалася.

Тады яна звярнула ўвагу на аб'яву ў інтэрнэце ад варажбіткі. Тая прапаноўвала здымаць сурокі, праводзіць розныя абрады, спрыяць бізнэс-поспехам і г. д.

Жанчына расказала анлайн-варажбітцы пра свае праблемы. Тая абяцала дапамагчы, але патрабавала за гэта грошай. Прытым у вымаганні іх праяўляла вялікую вынаходлівасць. Так, буйную суму жанчына перавяла на рахунак варажбіткі за пазбаўленне ад алкагольнай залежнасці аднаго з патэнцыйных кавалераў, а таксама за лячэнне іншага. У некалькі тысяч даляраў абышліся ачыстка кватэры жанчыны і дастаўка ёй пасылкі з Ерусаліма з чэрапам і свечкай.

Жанчына была адзінокая, без блізкіх сваякоў і сяброў, і ў асобе варажбіткі знашла блізкага чалавека, якому давярала, дзялілася патаемным і за ўсё плаціла. І нават калі ўласныя грошы на аплату паслуг новай сяброўкі скончыліся, жанчына не спынілася і стала афармляць крэдыты ў банках, а калі іх перасталі даваць, то заклала кватэру.

Усяго за паслугі анлайн-варажбіткі барысаўчанка пералічыла больш за 30 тыс. рублёў. І толькі пасля размовы са святаром яна нарэшце зразумела, што стала ахвярай махляркі, і звярнулася ў міліцыю.

Варажбітку хутка затрымалі, ёй аказалася 28-гадовая жыхарка Гомеля, маці траіх дзяцей. Яна расказала, што размясціла аб'яву і зарабляе такім чынам ужо даўно. Цяпер высвятляецца, ці ёсць яшчэ пацярпелыя ад дзеянняў гэтай махляркі.

Улетку 2022 года гэтая жанчына, дарэчы, была асуджаная за здзяйсненне аналагічнага злачынства, але мінулы раз ёй удалося зарабіць нашмат менш. Тым не менш жанчына не спынілася і працягнула падманваць даверлівых людзей.

Дзеянні жанчыны кваліфікаваныя следствам па ч. 3 арт. 209 КК («Махлярства, здзейсненае ў асабліва буйным памеры»). Яе ўзялі пад варту.

Каментары1

  • Реалистка
    31.01.2023
    52 года, а... (((

Стала вядома пра арышт гісторыка Ігара Мельнікава8

Стала вядома пра арышт гісторыка Ігара Мельнікава

Усе навіны →
Усе навіны

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку6

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

Пуцін зрабіў Z-спевака Шамана заслужаным артыстам Расіі5

Еўрасаюз пачынае перамовы пра бязвізавы рэжым з Арменіяй3

Бязвізам у Беларусь першым скарыстаўся грамадзянін Германіі9

больш чытаных навін
больш лайканых навін

Стала вядома пра арышт гісторыка Ігара Мельнікава8

Стала вядома пра арышт гісторыка Ігара Мельнікава

Галоўнае
Усе навіны →