Гэты лукашэнкавец правакуе людзей у чат-рулетцы, а пасля іх затрымліваюць і збіваюць. Расказваем, хто ён
Два дні запар па даносах жыхара Мазыра арыштоўваюць людзей, здзекуюцца з іх і запісваюць гэта на відэа.
![](http://d3kcf2pe5t7rrb.cloudfront.net/img/w732d4webp1/photos/z_2023_01/2023-01-05204903-776fr.jpg.webp)
Юрыю Комару 41 год і ён мае мазырскую прапіску. Мужчына працуе дальнабойнікам, мае ІП па перавозках.
Яшчэ пару гадоў таму Комар не грэбаваў адпачынкам у «загніваючай» Еўропе і нават ва Украіне: у ягоных сацсетках безліч фота з пляжаў і з відамі некаторых еўрапейскіх краін.
![](http://d3kcf2pe5t7rrb.cloudfront.net/img/w732d4webp1/photos/z_2023_01/srqvhms4xbk1-ms6id.jpg.webp)
Напрыканцы лістапада 2022 года ён адкрыў у сабе «талент» і ажывіў свой канал на ютубе. Сутнасць ролікаў у тым, што Комар уваходзіць у чат-рулетку, не пакідаючы свайго аўто, шукае там людзей, якія не любяць уладу ў Беларусі і падтрымліваюць Украіну, правакуе іх на рэзкія выказванні, прыкідваючыся ўкраінцам, а пасля выкладае гэта ў сеціва.
![](http://d3kcf2pe5t7rrb.cloudfront.net/img/w732d4webp1/photos/z_2023_01/1645-a3qds.jpeg.webp)
Ютуб Комара не цікавы гледачам: нягледзячы на піяр праўладных каналаў, ягонае самае папулярнае відэа набрала толькі 4 тысячы праглядаў. Але цікавы сілавікам, якія затрымалі пасля відэа Комара не менш за чацвярых беларусаў. Аднаго з іх збілі пры затрыманні, а з астатніх проста паздзекаваліся — і на ўсіх завялі крымінальныя справы.
![](http://d3kcf2pe5t7rrb.cloudfront.net/img/w732d4webp1/photos/z_2023_01/1016-9aszc.jpeg.webp)
«Наша Нiва» — бастыён беларушчыны
ПАДТРЫМАЦЬ
Каментары