Залужны: Украіна вызваліла 40% сваіх тэрыторый, акупаваных Расіяй з 24 лютага
Галоўнакамандуючы Узброенымі сіламі Украіны Валерый Залужны падвёў вынікі 2022 года.
![](http://d3kcf2pe5t7rrb.cloudfront.net/img/w840d4webp1/photos/z_2022_12/2022-12-29000049-dz6oo.jpg.webp)
Па звестках Залужнага, за апошнія месяцы УСУ вызвалілі каля 40 тысяч квадратных кіламетраў Украіны — гэта 40% ад таго, што Расія захапіла пасля 24 лютага 2022 года. На гэты момант лінія фронту на сушы працягнулася амаль на чатыры тысячы кіламетраў, а актыўныя баявыя дзеянні адбываюцца на ўчастку 1500 кіламетраў.
Акрамя гэтага, Залужны адзначыў, што УСУ ўдалося за час вайны ажыццявіць эвакуацыю больш як 600 тысяч мірных жыхароў з зоны баявых дзеянняў, а таксама даставіць і размеркаваць два мільёны тон гуманітарных грузаў.
У паведамленні Залужнага таксама гаворыцца, што за год УСУ ачысцілі ад выбухованебяспечных прадметаў больш за 1300 гектараў тэрыторый, а таксама знішчылі 41 тысячу выбухованебяспечных прадметаў.
Наступ УСУ, які пачаўся ў канцы лета, дазволіў Украіне дэакупаваць вялікія тэрыторыі, захопленыя Расіяй пасля 24 лютага. У прыватнасці, да сярэдзіны верасня УСУ практычна цалкам вызвалілі Харкаўскую вобласць, а ў лістападзе ўкраінскія вайскоўцы ўвайшлі ў горад Херсон.
Каментары