Беларускі офіс Фонду Конрада Адэнаўэра (KAS Belarus) у супрацоўніцтве з Лявонам Вольскім ажывілі вобраз нашага першадрукара Францыска Скарыны.
KAS Belarus выпускае музычныя кліпы некалькі разоў на год. Гэта дапамагае даносіць інфармацыю да шырокіх груп гледачоў. Гэтым разам фонд вырашыў паказаць гістарычную значнасць Беларусі для Еўропы, а таксама — іх адназначную ўзаемасувязь.
У 2022 годзе святкуецца 500 гадоў выдання «Малой падарожнай кніжыцы» Францыска Скарыны ў Вільні. Сталіца Літвы стала сапраўдным домам для многіх беларусаў, як і для Беларускага офіса Фонду Конрада Адэнаўэра. У гэтым горадзе пераплятаюцца многія беларуска-еўрапейскія гісторыі.
KAS Belarus дзеліцца гісторыяй стварэння кліпа:
«Мы адразу вырашылі, што European Superstar — гэта Францыск Скарына. Расказалі пра нашу ідэю Лявону Вольскаму, яму спадабалася, і ён далучыўся да праекта.
Нашай мэтай было зрабіць цікавы прадукт як для беларусаў, якія ведаюць пра Скарыну не з чужых слоў, так і для нашых замежных гледачоў.
Праз музыку і анімацыю мы вывелі Скарыну з кніжнага кантэксту, у якім многія беларусы прывыклі яго бачыць са школы. Мы стараліся ажывіць яго сучаснымі, месцамі нечаканымі, а часам нават смешнымі малюначкамі.
Для нас важна, каб у Скарыне перасталі бачыць персанажа падручніка гісторыі, акружанага датамі і званнямі, але ўбачылі жывога чалавека, беларуса, які прайшоў складаны шлях і пакінуў значны ўклад не толькі ў беларускай, але і ў еўрапейскай гісторыі».
Многія беларусы зараз паўтараюць шлях Францыска Скарыны і таксама ўносяць свой уклад у гісторыю розных краін і гарадоў. KAS Belarus дапамагае знайсці кропкі судакранання на гэтым шляху.
Першая віцэ-мэр Мінска Надзея Лазарэвіч прайшла праз затрыманне, муж застаўся ў СІЗА11
Каментары