Міністр адукацыі Андрэй Іванец расказаў, што ўвойдзе ў нядаўна ўведзеную абавязковую характарыстыку выпускніка школы. Новая форма характарыстыкі, якую распрацавала ягонае ведамства, будзе змяшчаць 11 пунктаў.
![](http://d3kcf2pe5t7rrb.cloudfront.net/img/w840d4webp1/photos/z_2022_12/000022_1670334677_538647_big-7bfx5.jpg.webp)
«Акрамя анкетных звестак — прозвішча, імя, імя па бацьку — у характарыстыцы будзе адлюстраваны сямейны статус дзіцяці. Мы павінны ведаць, з якой ён сям'і: шматдзетнай, якая знаходзіцца ў сацыяльна небяспечным становішчы», — распавёў Андрэй Іванец.
Асаблівую ўвагу нададуць хобі выпускніка, а яшчэ адзін пункт дакумента будзе прысвечаны ўдзелу ў мерапрыемствах патрыятычнай і працоўнай накіраванасці. Найперш гэта тычыцца ўдзелу дзіцяці ў грамадскіх моладзевых аб'яднаннях.
Характарыстыка выпускніка школы будзе падавацца разам з заявай аб паступленні ў ВНУ, то-бок яна ўвойдзе ў камплект дакументаў, неабходных пры паступленні. Па словах міністра, характарыстыка будзе ўплываць на адукацыйны і выхаваўчы працэс.
Каментары