У Віцебску школьнік зламаў пазванок, носячы ваду па заданні выкладчыка
У Віцебску выкладчык гуртка сказаў шасцікласніку перанесці 20-літровую бутлю з вадой, і гэта скончылася траўмай падлетка, паведамляюць «Народныя навіны Віцебска».
![](http://d3kcf2pe5t7rrb.cloudfront.net/img/w840d4webp1/photos/z_2022_11/41f3b480bbc0c082c236d6351b9911d5-u6nyq.jpg.webp)
Як засведчыла праверка, праведзеная Следчым камітэтам, выкладчык робататэхнікі ТАА «Рэпетытарскі цэнтр «100 балаў—Віцебск» сказаў вучню шостага класа прыватнай установы адукацыі «Сярэдняя школа «Апельсін», які займаецца ў цэнтры, аднесці каністру з вадой ёмістасцю 20 літраў, пры гэтым паклаўшы бутлю на левае плячо школьніка.
Хлопчык з-за цяжару грузу перакінуў каністру на сагнутыя ў локцевых суставах рукі, у выніку чаго, згодна з заключэннем судова-медыцынскай экспертызы, у дзіцяці ўтварыўся закрыты кампрэсійна-клінаваты пералом цела 6-га груднога пазванка першай ступені кампрэсіі, які адносіцца да катэгорыі менш цяжкіх цялесных пашкоджанняў.
Пасля гэтага выкладчык не прыняў меры для аказання яму медыцынскай дапамогі, а адправіў у клас на заняткі.
Пракуратура Віцебска пасля вывучэння матэрыялаў праверкі Віцебскага гарадскога аддзела Следчага камітэта кваліфікавала дзеянні работніка цэнтра па артыкуле 155 КК — прычыненне па неасцярожнасці менш цяжкіх цялесных пашкоджанняў. Заведзеная крымінальная справа.
Каментары