Эканоміка11

Збіраюцца запусціць гіганцкі праект забудовы поўначы Мінска, дзе 93% тэрыторыі адведзена пад жыллё

За 20 гадоў забудоўшчык у рамках праекта «Паўночны бераг» мае намер узвесці 6 млн кв. м жылля, а таксама абяцае пабудаваць Нацыянальны выставачны цэнтр, «Інстытут штучнага інтэлекту», Мінскі цэнтр міжнароднага гандлю, іншыя аб'екты. Але гэты праект можа значна пагоршыць сталічную экалогію.

Шчыльная гарадская забудова. Фота ілюстрацыйнае

У Міністэрстве будаўніцтва і архітэктуры заявілі, што «Паўночны бераг» стане новым вітком у развіцці сталіцы. Так акрэсліў сітуацыю намеснік начальніка Галоўнага ўпраўлення прамысловасці — начальнік вытворча-тэхналагічнага ўпраўлення Мінбудархітэктуры Аляксей Падвалоцкі падчас падпісання Пагаднення аб супрацоўніцтве пры будаўніцтве шматфункцыянальнага комплексу паміж БЦК і ТАА «Рыверсайд Дэвелапмент Лімітэд» (ААЭ).

Пад гэты праект Аляксандр Лукашэнка выпусціў спецуказ №186 «Аб рэалізацыі інвестыцыйнага праекта», ён падпісаны 13 мая 2021 года. У ім інвестару даюцца шматлікія прэферэнцыі, галоўная з якіх у тым, што шчыльнасць забудовы дазволена павялічыць амаль удвая вышэй за лімітную норму, зацверджаную раней рознымі міністэрствамі, у тым ліку архітэктуры, аховы здароўя і іншымі.

Эколагі асцерагаюцца, што калі праект «Паўночны бераг» рэалізуецца ў тым выглядзе, які абяцаюць інвестары, то цэнтр сталіцы Беларусі, верагодна, будзе задыхацца ад пастаяннага смогу. Бо шчыльнасць забудовы будзе залімітнай (значна вышэй за «Мінск-Мір» або «Маяка Мінска»), а вышыня будынкаў — большай за 50 метраў.

Прытым хмарачосы плануюць збудаваць на поўначы Мінска, адкуль часцей за ўсё дзьмуць вятры, што выносяць з горада забруджанае аўтамабілямі паветра.

Але ўлады праз гэты будаўнічы праект хочуць сярод іншага вырашыць і праблемы розных прамысловых галін. Так, стала вядома, што забудоўшчык комплексу «Паўночны бераг» будзе купляць цэмент у Беларускай цэментнай кампаніі. «Рыверсайд Дэвелапмент Лімітэд» падпісала пагадненне аб супрацоўніцтве з гэтым холдынгам.

Каментары1

  • Грустный Мапидик
    25.11.2022
    Термитники будут строить... Ну что ж, привыкнем.

    Если арабы не пойдут по тропке газпрома, которому вокзал отдали.

Удзельнік апазіцыйнага руху Віталь Лухвіч выявіўся платным міліцэйскім стукачом8

Удзельнік апазіцыйнага руху Віталь Лухвіч выявіўся платным міліцэйскім стукачом

Усе навіны →
Усе навіны

Перасаджвацца ў іншы аўтобус у чарзе на мяжы больш нельга? Здаецца, так2

Лукашэнка прапанаваў адсякаць рукі тым, хто крадзе ў сельскай гаспадарцы6

Акадэмія навук распрацавала інструкцыю па знішчэнні «экстрэмісцкіх» кніг у бібліятэках11

«Заснулі на Каліноўскага, прачнуліся на Машэрава». У Кобрыне за ноч прыбралі паказальнікі з прозвішчам Каліноўскі ВІДЭА2

Грамадзяніна Германіі прысудзілі ў Беларусі да расстрэлу15

Зніклага ў Польшчы беларуса знайшлі ў Варшаве збітым і без дакументаў10

«Вада пранікла ўнутр, запоўніла салон мне па пояс, рукі трэсліся». Хто тая дзяўчына з запамінальнага фота мінскага патопу3

У Беларусі пачалася перадвыбарчая агітацыя за Лукашэнку ФОТАФАКТ32

Сусветныя цэны на каву б'юць рэкорды. Кошт вашага латэ пад пагрозай5

больш чытаных навін
больш лайканых навін

Удзельнік апазіцыйнага руху Віталь Лухвіч выявіўся платным міліцэйскім стукачом8

Удзельнік апазіцыйнага руху Віталь Лухвіч выявіўся платным міліцэйскім стукачом

Галоўнае
Усе навіны →