Грамадства

За выступ перад работнікамі «Беларуськалія» прафсаюзнага лідара асудзілі на 2,5 года калоніі

У Мінскім абласным судзе 15 лістапада асудзілі палітзняволенага Аляксандра Мішука паводле ч. 1 арт. 361 Крымінальнага кодэкса (заклікі да мер абмежавальнага характару (санкцый), іншых дзеянняў, накіраваных нанесці шкоду нацыянальнай бяспецы). Справу разглядала суддзя Вікторыя Паляшчук, паведамляе «Вясна».

Аляксандра затрымалі 25 мая 2022 года на працоўным месцы. У яго дома і ў кабінеце на працы правялі вобшукі. Мужчыну на працягу двух месяцаў утрымлівалі ў СІЗА КДБ, пасля перавялі ў СІЗА-1 Мінска. Чатыры месяцы Аляксандру не дазвалялі спаткацца з жонкай.

Падчас другога судовага пасяджэння зачытвалі паказанні сведкаў, у тым ліку адміністрацыі ААТ «Беларуськалій», актывістаў Беларускага незалежнага прафсаюза. Старшыня пярвічнай арганізацыі «Белхімпрафсаюз» Андрэй Рыбак, які таксама выступаў у судзе, адзначыў, што яго прафсаюз быў супраць забастоўкі, а незалежны прафсаюз забастоўку падтрымліваў.

Пракуратура паставіла ў віну Аляксандру яго выступленне перад работнікамі з «мэтай стварэння забастовачнага камітэта». У сваю чаргу Аляксандр тлумачыў сваё выступленне як эмацыйнае, паколькі ў той час усе знаходзіліся пад уздзеяннем эмоцый з-за масавага гвалту з боку сілавікоў.

14 лістапада на чарговым пасяджэнні пракурор запрасіў Аляксандру 3 гады калоніі.

15 лістапада суддзя Мінскага абласнога суда Вікторыя Паляшчук прызнала Аляксандра Мішука вінаватым паводле ч. 1 арт. 361 Крымінальнага кодэкса (заклікі да мер абмежавальнага характару (санкцый), іншых дзеянняў, накіраваных нанесці шкоду нацыянальнай бяспецы Рэспублікі Беларусь) і асудзіла яго на два гады і шэсць месяцаў пазбаўлення волі ў калоніі ва ўмовах агульнага рэжыму.

Аляксандр Мішук — віцэ-старшыня Беларускага незалежанага прафсаюза (БНП) і старшыня пярвічнай арганізацыі БНП «Беларуськалій».

Каментары

Байдэн выходзіць з прэзідэнцкай гонкі37

Байдэн выходзіць з прэзідэнцкай гонкі

Усе навіны →
Усе навіны

З'явілася ФОТА з суда над Рыка Крыгерам

Замест СМС — выццё сірэн. МНС хоча памяняць сістэму апавяшчэння падчас непагадзі2

Олаф Шольц дагэтуль глядзіць лямпавы тэлевізар6

Славакія і Венгрыя спыняюць пампаваць нафту праз трубаправод «Дружба». Гэта важна і для Беларусі

УСУ нанеслі ўдар па вайсковым аэрадроме ў Растоўскай вобласці1

Немец, прысуджаны да расстрэлу, датычны да дыверсій? Вось што за гісторыя гэта магла быць9

У ЗША вызвалілі жанчыну, якая адсядзела 43 гады ні за што2

Пасля ўрагану беларусы падалі больш за 10 тысяч заявак у Белдзяржстрах1

Пад Мінскам бусел купаўся ў возеры разам з людзьмі ВІДЭА5

больш чытаных навін
больш лайканых навін

Байдэн выходзіць з прэзідэнцкай гонкі37

Байдэн выходзіць з прэзідэнцкай гонкі

Галоўнае
Усе навіны →