У сярэдзіне кастрычніка адкрыўся пешаходны мост, які злучыў два берагі Свіслачы ў раёне Зыбіцкай. Аднак ён ужо не працуе, піша Citydog.by.
![](http://d3kcf2pe5t7rrb.cloudfront.net/img/w732d4webp1/photos/z_2022_11/most1_221108-glqt1.jpg.webp)
Мост ад Зыбіцкай да былой 2-й гарадской бальніцы быў запланаваны ў рамках забудовы гатэля Hilton, які з'явіўся на месцы былой бальніцы ў сценах Траецкага манастыра базыльянак (ён быў узведзены на Траецкай гары ў 1630 годзе).
Мост яшчэ толькі праектаваўся кампаніяй Varabyeu Partners, і да яго ўжо прыляпілася назва «ржавы»: агароджа выканана з картэнавай сталі, колер якой нагадвае ржу. Насамрэч матэрыял не стары, і, як распавядалі спецыялісты, яго павінны пакрыць адмысловым саставам, дзякуючы якому сталь не будзе разбурацца ад карозіі.
![](http://d3kcf2pe5t7rrb.cloudfront.net/img/w732d4webp1/photos/z_2022_11/most2_221108-j2aoa.jpg.webp)
Мост атрымаўся даволі стромкі па ўздыме, каб гарадскія службы маглі чысціць пойму Свіслачы і спакойна праязджаць пад збудаваннем. Адсюль ідэя з падагрэвам і антыслізготным пакрыццём. Шырыня канструкцыі — 3,7 метра.
![](http://d3kcf2pe5t7rrb.cloudfront.net/img/w732d4webp1/photos/z_2022_11/most3_221108-6zgd2.jpg.webp)
Так мост выглядаў 13 кастрычніка, праз некалькі дзён пасля адкрыцця. Чаму цяпер праход па ім закрыты, не зразумела.
Каментары