Як паведамляе прэс-служба Камітэта дзяржаўнага кантролю, адзін з прыватных медыцынскіх цэнтраў Брэста сфармаваў тарыфы на амаль два дзясяткі паслуг «без выкарыстання ўстаноўленых паніжальных каэфіцыентаў, у сувязі з чым яны перавышалі максімальна магчымыя да 110 рублёў за адзін комплекс».
«Да прыкладу, кошт паслугі «Комплексная праграма абследавання «Увесь пазваночнік» без кантрастнага ўзмацнення» была неабгрунтавана завышаная на 44,5%», — гаворыцца ў паведамленні.
Па завышаных цэнах медцэнтр нібыта аказаў насельніцтву парадку 2 тысяч паслуг, у выніку чаго неабгрунтавана атрымаў выручку ў 45 тысяч рублёў. Гэтая сума — розніца паміж выкарыстаным і разлічаным у адпаведнасці з заканадаўствам тарыфам — падлягае спагнанню ў бюджэт у двухразовым памеры, адзначылі ў КДК.
Падчас праверкі тарыфы на астатнія платныя медпаслугі перагледжаныя — іх зменшылі да 30%. Медцэнтр таксама перастаў аказваць асобныя паслугі ў складзе комплексаў.
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна11
Каментары