Грамадства33

На Віцебшчыне не засталося райцэнтраў, у якіх няма сталага каталіцкага храма. Асвяцілі касцёл у Сянне ФОТЫ

Наведаўшы ўрачыстую падзею, пісьменнік з Віцебска Франц Сіўко апублікаваў у фэйсбуку невялікі рэпартаж пра адметнасці гэтай мясцовасці, упрыгожаны фотаздымкамі Васіля Мядзюхі.

Кансэкрацыя касцёла Святой Тройцы ў Сянне — апошнім раённым цэнтры Віцебшчыны, дзе дагэтуль не было сталага каталіцкага храма

Даўнейшы, пабудаваны францішканцамі ў XVII стагоддзі, быў зруйнаваны ў 1962 годзе. А новаўтвораная на пачатку гэтага стагоддзя парафіяльная супольнасць тулілася ў часовай капліцы каля збудаванага ў 1809 годзе францішканскага кляштара, які па сённяшні дзень з’яўляецца самым старым каменным будынкам мястэчка.

Інтэр’ер новага касцёла — цалкам плод думкі і рук ураджэнца Сянна айца Міхала Ермашкевіча, дамініканіна, пробашча парафіі.

А самым славутым з яго папярэднікаў быў ксёндз Аляксандр Астрамовіч, вядомы аматарам літаратуры пад псеўданімам Андрэй Зязюля. Ён пахаваны на мясцовых могілках, а памятны знак на яго сімвалічнай магіле і крыж пры ёй былі ўсталяваныя ў 2003 годзе з ініцыятывы тадышняга пробашча парафіі паляка Януша Прусіноўскага. Ён за два гады працы ў Беларусі вывучыў нашу мову так, што здагадацца пра яго паходжанне было немагчыма.

Фота 5 — група таварышаў, кансэкраваных і свецкіх, на чале з біскупам Алегам Буткевічам пры магіле святара-паэта па літургіі з нагоды кансэкрацыі касцёла 17 верасня. Пасярод — аўтар усіх, апроч гэтага, здымкаў — Васіль Мядзюха.

Падобна, у Сянне што ні крок — то артэфакт. Пры ўваходзе ў будынак колішняе земскае ўправы (пач. ХХ стагоддзя), каля сціплых бюстаў Маркса ды Леніна — пліта, знойдзеная ў 2011 годзе на полі ля вёскі Вялікі Азярэц з выявамі гербаў — магчыма, нейкіх старых польскіх родаў (праца па росшуку звестак вядзецца).

Не так далёка ад будынка ўправы (цяпер — музея і дзіцячай бібліятэкі), на ўзгорку пры разгалінаванні вуліц, — яшчэ адзін (ці нават не адзін) артэфакт — каменны крыж і далучаная да яго пліта з надпісамі, што сумуюць у чаканні даследчыкаў і больш утульнага месца для дэманстравання сябе прыгожых люду паспалітаму.

Каментары3

  • Пан з-пад Рудні
    18.09.2022
    Якія старыя польскія рады на Літве?!
    Адкуль яны тут?
  • что за убожество?
    19.09.2022
    и слава тебе господи, что не засталося
  • Юзік са станцыі Крулеўшчына
    19.09.2022
    Цікава, а ці на тым самым месцы адбудавалі новы касцёл, дзе стаяў даўнейшы? Параўнаў здымкі старога і новага храма. Стары касцёл быў пякнейшы, больш складаная ордэрная пластыка, быў 3-нефавы. Новы касцёл, як бачна са здымка, 1-нефавы, толькі вельмі і вельмі сціплае перайманне формаў даўняга. 

Маладую супрацоўніцу «Пеленга» арыштавалі за «заклікі да нанясення шкоды Беларусі». Ёй пагражае да 12 гадоў3

Маладую супрацоўніцу «Пеленга» арыштавалі за «заклікі да нанясення шкоды Беларусі». Ёй пагражае да 12 гадоў

Усе навіны →
Усе навіны

Назіраць за выбарамі ў Беларусь прыедзе швейцарац, якога на радзіме судзілі за фальсіфікацыю выбараў5

Лісы ныраюць у снег з галавой, каб злавіць здабычу. Чаму яны не траўмуюцца?1

Памятаеце 65-гадовую палітзняволеную, якая за кратамі зламала шыйку сцягна? Яна на свабодзе

ХАМАС адпусціў трох ізраільскіх закладніц

Самы багаты спецслужбіст планеты намерыўся стаць лідарам новай тэхналагічнай рэвалюцыі3

Разведкі ЗША і Еўропы не знайшлі дачынення Расіі да пашкоджанняў кабеляў у Балтыйскім моры1

Як выглядае кватэра за мільён даляраў у цэнтры Мінска4

Прапагандыстка БелТА пахвалілася навагоднім адпачынкам у Парыжы ШМАТ ФОТА14

Ціханоўская ўшанавала памяць удзельнікаў паўстання Кастуся Каліноўскага4

больш чытаных навін
больш лайканых навін

Маладую супрацоўніцу «Пеленга» арыштавалі за «заклікі да нанясення шкоды Беларусі». Ёй пагражае да 12 гадоў3

Маладую супрацоўніцу «Пеленга» арыштавалі за «заклікі да нанясення шкоды Беларусі». Ёй пагражае да 12 гадоў

Галоўнае
Усе навіны →