Парк высокіх тэхналогій праводзіць рэбрэндынг, абнаўляе лагатып і стыль. Пра гэта гаворыцца ў прэс-рэлізе ўстановы.
![](http://d3kcf2pe5t7rrb.cloudfront.net/img/w840d4webp1/photos/z_2022_09/photo_2022-09-12_17-03-08-osdcr.jpg.webp)
«Парк высокіх тэхналогій правёў рэбрэндынг, абнавіўшы лагатып і фірмовы стыль. Задача выкананая: цяпер лагатып больш сучасны і выказвае адкрытасць да ўсіх удзельнікаў галіны, цяперашніх і будучых», — піша прэс-служба ПВТ.
![](http://d3kcf2pe5t7rrb.cloudfront.net/img/w732d4webp1/photos/z_2022_09/94e56ec245ecf83ca217ddd93aad2fa6-oo1fc.webp.webp)
Рэдызайн правяла кампанія iMedia Solutions, якая заклала ў аснову дызайну лагатыпа і фірмовага стылю канцэпцыю прывітання «HI».
iMedia Solutions перагледзела каляровую палітру ПВТ і прымяніла дызайн градыентнага фону да лагатыпу і элементаў фірмовага стылю. Часткай гэтага стылю сталі распрацаваныя графічныя элементы, ідэя якіх заключаецца ў аб'яднанні лічбавага асяроддзя і нацыянальнага арнаменту. «Гэта адначасовае спалучэнне пікселяў, QR-кода і арнаменту», — падкрэслівае арт-дырэктар iMedia Solutions Яўген Панько.
![](http://d3kcf2pe5t7rrb.cloudfront.net/img/w732d4webp1/photos/z_2022_09/a0ecbe974c87350a9379332b07e29cb3-iu6r7.webp.webp)
Першы лагатып ПВТ быў створаны больш за 10 гадоў таму. Цяпер «прынятае рашэнне аб абнаўленні дызайну для павышэння пазнавальнасці ПВТ як унутры Беларусі, так і за яе межамі». На выкарыстанне абноўленага фірмовага стылю ПВТ збіраецца перайсці ў найбліжэйшыя месяцы.
![](http://d3kcf2pe5t7rrb.cloudfront.net/img/w732d4webp1/photos/z_2022_09/747ee6d76af7e101193dc7fcf7b8ddc1-e572i.webp.webp)
Ранейшы стыль ПВТ выглядаў так:
![](http://d3kcf2pe5t7rrb.cloudfront.net/img/w732d4webp1/photos/z_2022_09/020e59c90534598bcfe488e3185a7eb0-s4ag2.webp.webp)
Каментары