1 верасня ў Зэльвенскім раёне на трасе Р-99 «Баранавічы—Ваўкавыск—Пагранічны—Гродна» адбылося ДТЗ са смяротным зыходам. Машына Audi Q7 з'ехала з дарогі ў кювет, у гэты час там акурат знаходзіліся два работнікі лясгаса.
![](http://d3kcf2pe5t7rrb.cloudfront.net/img/w732d4webp1/photos/z_2022_09/audi-q7-001-71knj.jpg.webp)
«Каля 12 гадзін дня 53-гадовая кіроўца аўтамабіля «Аўдзі» рухалася з боку гарадскога пасёлка Зэльва. Перад ёй ехаў аўтамабіль «Фольксваген» і далей фура. Жанчына выехала на паласу сустрэчнага руху і пачала абганяць аўтамабілі, але кіроўца «Фольксвагена» таксама пайшоў на абгон спераду фуры», — паведамілі ў УУС Гродзенскага аблвыканкама.
Жанчына спалохалася, з'ехала на ўзбочыну і вылецела ў кювет. А там якраз знаходзіліся два работнікі лясгаса, якія патрапілі пад аўтамабіль. 49-гадовы мужчына памёр, а яго 37-гадовага калегу з пераломамі ног даставілі ў бальніцу.
Усе абставіны здарэння, у тым ліку прычыны аварыі, высвятляюцца.
Каментары