Латвія ўвядзе дадатковыя праверкі для ўсіх грамадзян Расіі і Беларусі
Усе грамадзяне, якія ўязджаюць у Латвію з Расіі і Беларусі, будуць праходзіць дадатковыя праверкі. Такое рашэнне ў аўторак прыняў латвійскі ўрад, паведамляе Delfi.lv.
Паводле змененых правіл, у будучыні пры выдачы візы або дазволу на жыхарства грамадзяне Расіі і Беларусі павінны будуць праходзіць дадатковую праверку, каб ацаніць, ці не складзе ўезд іншаземца пагрозы нацыянальнай бяспекі або грамадскаму парадку.
Які менавіта характар гэтая дадатковая праверка будзе насіць, не ўдакладняецца. Але раней падобная працэдура прымянялася для грамадзян Расіі, якія паходзілі з Дагестана, Чачні, Інгушэціі і Паўночнай Асеціі.
У спіс краін, чые грамадзяне павінны праходзіць дадатковыя праверкі, акрамя Расіі і Беларусі ўнеслі таксама афрыканскі Камерун. У апошнія гады ў Латвіі павялічылася колькасць заявак ад камерунцаў на доўгатэрміновыя візы, і менавіта ім іх часта не выдаюць, бо іхнія дакументы падробленыя.
У МУС Латвіі адзначылі, што ў сувязі з ваеннай агрэсіяй Расіі ва Украіне з 25 лютага гэтага года латвійскія дыппрадстаўніцтвы за мяжой спынілі прыём заявак на выдачу віз ад грамадзян Расеі на няпэўны час. Візы выдаюцца толькі ў выключных выпадках, калі гэта звязана з гуманітарнымі прычынамі, а таксама членам сем'яў грамадзян ЕС у выпадку цяжкай хваробы або смерці сваякоў. Такая ж мадэль прымяняецца ў Эстоніі, Літве, Польшчы і Чэхіі.
Дзяніс Мельянцоў і яго рэалпалітык: ён сапраўды памяняў погляды ці проста раней маскіраваўся?47
Каментары
впервые возможно война пойдет мимо Беларуси.
п.с. поймут только единицы